TE POARI O NGA MOANA O TE ARAWA.

Toa Takitini, Issue 35, 1 July 1924, Page 74

TE POARI O NGA MOANA O TE ARAWA.

ITU te Hui a te Poari ki Rotorua i te 11 o nga ra o Hune* 1924. He nui nga take i whakahaeretia ara ko enei e whai ake nei. 1. Te tono kia wehea tetahi £2OOO i te tau mo nga whakahaere e pa ana ki etahi o nga Hapu o te Arawa, i whiriwhiritia a hikitia ana mo tetahi ono marama. 2. I tuku mihi te Poari kia Sir James Gunson mo te tohu a te Kingi kua hoatu ki aia. 3. I whakaae te Poari kia haere te Minita o nga Marae me nga Penihana, me taua Komiti ki nga marae o te Arawa titiro ai i te ahua o nga marae me nga Kaumatua e tika ana kia whakawhiwhia kite Penihana. 4. I whakaae te Poari kia haere te Minita o nga Whenua me nga Workers’ Dwellings me tana Komiti kite titiro i etahi whenua Karauna i te Whaiti Urewera hei whakanohonohe i etahi o nga tamariki o te Arawa i raro i te take ahuwhenua. I tenei wa ka motini tia kia hiki te Poari a kia noho nga Komiti kite whiriwhiri i nga take epa ana ki tena Komiti, I te 14 o nga ra o Hune ka tukua mai nga Ripoata a nga Komiti kia paahitia e te Poari. Te Komiti o nga Marae me nga Penihana. Te Morehu te Kirikau, te Minita a ko Raureti Mokonuiarangi te Hekeretari. (a) He tono penihana na tetahi tangata kapo. I whakaetia. (b) He tono mo te Marae i Otukawa Te Puke mo te wharekai. £IOO i whakaritea. (c) He tono mo tetahi awhina mo te Whare Runanga hou ki Matawera e tata ana ki Rotorua. £IOO i whakaritea. (d) Mo nga wai mo Mourea me Waiatuhi. £IOO i whakaaetia i tenei wa. (e) Tono mo te wharekai ia Tia Te Puke. £37 i whakaaetia. (f) Tono mo te wai i Maketu. £4O i whakaaetia. (g) Tono mo tetahi awhina mo te Aomarama Hall hei peita. E £25 i whakaritea. Te Komiti ote Matauranga me nga Hohipera. Ko Taiporutu te Mapu te Minita a ko Wirihana Tamati te Hekeretari. (a) Te tono mo tetahi awhina mo tetahi tamaiti kei te Kareti e kura ana. E £55 ite tau i whakaaetia mo nga tau e toru. (b) To tono mo tetahi awhina ano mo tetahi tamaiti i raro ite take mahi a ringa. I hikitia mo etahi uiuitanga. (c) Te tono awhina a te Hahi Katorika mo te Kura (Convent) hou ka whakatungia ki Rotorua e £4OOO te utu. I whakaaetia tenei tono engari mo te wa e oti ai te kura ka whakarite ai. (d) Te tono a te Arawa i Matata me Otamarakau kia awhinatia te Convent i Matata mo nga rongoa. E £4O i te tau i whakaritea. Te Komiti o nga whenua me nga Workers’ Dwellings. Ko Wiremu Ereatara te Minita ko H. Macpherson te Hekeretari.

He nui nga tono awhina i tae mai ki tenei Komiti, engari i runga i te hapa o nga whakamarama whakaotia ana e te Komiti me perehi etahi pukapuka tono ktahi ko tuku ai ki nga Kai Tono kia whakakiia mai katahi ka tuku mai, a mo tera huinga 0 te Poari ka whiriwhiri ai. (a) Te Tono mo tetahi awhina hei whakaoti i tetahi whare noho. E £4O i whakaritea. (b) Te tono mo tetahi whare noho hei whakanui atu. He £IOO i whakaaetia. Te Komiti o nga Take Takitahi me nga whakairo. Ko Kepa Ehau te Minita engari i te mea kei te mate ia whakatungia ana ko te Rev. Waaka te Rohu te Minita a ko Raniera Kingi te Hekeretari. (a) Te Kohatu Whakamaharatanga o nga Hoia o te Arawa. 1 whakaaetia kia tonoa te Tohunga whakaara i te Kohatu kia taemai ki Rotorua a te turanga o te Poari a muri ake nei. (b) Te Whare Boarding House. I tirohia e te Komiti tetahi whare i roto ano i te taone ko te utu e £3,300 taenoa ki nga tekiona e toru he haawhe eka te nui. I whakaae te Komiti me hoko aua Tekiona mete whare mo taua moni. Ko te whakaotinga a te Poari i hikitia mo tera nohanga o te Poari. I paahitia nga Pire i tata kite £2OO me utu ete Hekeretari. Ka mutu i konei te Hui tuatoru a te Poari o te Arawa. —Taiporutu Te Mapu, Tiamana.