WHAKAMAHARA KI TOKAANU.

Toa Takitini, Issue 32, 1 April 1924, Page 20

WHAKAMAHARA KI TOKAANU.

Na Manihera Tumatahi. NO te tau 1847 ka tonoa mai e te Wairua a Te Manihera raua ko Kereopa, no Ngati Ruanui ki Taranaki, hei kawe mai i te Rongopai ki roto o Taupo. I haerea e raua nga tahataha o Taupo, mete manaaki hoki a nga tangata i a raua. No te taenga ki Tokanu, ka kohurutia e nga Maori e noho ana i roto ite pouritanga. A na nga mea e noho ana i roto i te maramatanga i tanu ki Te Waiariki. No te 20 o Aperira, 1921, ka whakapiria e te Pihopa o Waiapu tetahi kohatu paraihe hei whakamaharatanga mo ana tangata ki roto i te whare-karakia o Tokaanu. I te 1855 ka tonoa mai a Rev. Tamati H. Kerehi hei kaikauwhau mo te Rongopai ki roto o Taupo. Kua noho nga Maori i tetahi wahi marama i tenei wa. Ahe kaha tana mahi, me nga painga i puta mai i ana mahi, a he tokomaha hoki tana whanau kei Taupo inaianei. No te 24 o Maehe, 1924, ka whakapiria e Atirikona Tiatitana tetahi kohatu paraihe hei whakamahara mo Te Kerehi raua ko tona hoa walhine, ki roto i te whare-karakia i Tokaanu. Tetahi rangi nui tenei, i whakanuia e Ngati Tuwharetoa, me tana whanau ano hoki. Ka whia ra nga whare-karakia Maori ka whiwhi i enei tu Kohatu?