HINOTA MAORI

Toa Takitini, Issue 31, 1 March 1924, Page 2

HINOTA MAORI

A TE PIHOPATANGA O PONEKE. ITU te hui tuatahi a te Poari o te Hahi Maori ote Pihopatanga o Poneke ki Otaki i te marama ka hurl nei. Ko nga tangata i tae mai ko te Pihopa o Poneke, ko Revd. W. G. Wiremu, kai-tirotiro, ko Rev. Te Muera Tokoaitua o Otaki, Pakake H. Leonard o Matene, Henare Keremeneta o Pipiriki. Ko nga mangai-remana ko Hemi Rikihana o Otaki, ko Kingi Tahiwi o Poneke, ko Tiaki Kerehona o Riwini, ko Tawhai Eruera o Pokitaone, Tata Mcßoyal o Feilding, Maremare Reupena o Turakina, Mawae Te Tauri o Whanganui, me Pita McDonnell o Karioi. I reira hoki a Rev. H. A. Walke o Bulls, hekeretari o te Mihana Maori, me A. J. Rutherford o Eketahuna. He nui te manaaki ote Tumuaki o te K arete Maori i Otaki i nga tangata o te hui, I te ata o te Ratapu he tokomaha nga Maori i hui kite karakia i Rangiatea, ai te ahiahi ki tona a Rangiatea i te pakeha i te Maori mo to ratou karakia huihui. Ko te kauwhau i a Keremeneta, na Te Wiremu i whakamaori. I reira katoa nga Minita i taua karakia. I te ata o te Mane, ka tu te hui i te ruma kai ote WharePikitia. Ko te wahi tuatahi he whakamarama na Te Wiremu i nga kautc o nga moni a tena pariha a tena pariha, tae noa

ki nga tahua o te Pihopatanga o Poneke. No te Whakatoputanga i nga tahua a nga kaumatua i tuku ai mo nga kura tae atu ki nga tahua mo te taha ki te Hahi, kitea ana te nui o aua tahua, ara hui katoa te wariu i tenei ra £76,871. I te hui o te awatea ka whai-kupu te Pihopa mo te timatanga mai ote whakapono kite iwi Maori, me ana korero whakamarama i te kaha o te whakapono o te iwi Maori, a tae noa mai ki nga tau o nga pakanga ote 1865 kite 1870. Me te man hoki o te whakapono o etahi i muri mai i te pakanga tae noa mai ki tenei wa. Ko te rautunga o ana korero he whakahau nana kia kaha te hopu a nga uri i te wairua kaha o ratou matua. I puta nga kupu mihi a te Pihopa mo te tulukitanga o te 100 tau o te taenga mai o Te Wiremu Karuwha ki Nui Tireni. I puta ano hoki he mihi mana kia A. 0. Wiremu, te mokopuna a Te Wiremu Karuwha, tenei o nga matua o te iwi Maori i karangatia nei ki tona okiokitanga i te 31 o nga ra o Oketopa. I tata kite 40 ona tau e tu ana ia hei Kai-tirotiro mo te Hahi Maori ote Pihopatanga oPoneke. I mihi ano ia kite tamaiti Matamua a Te Wiremu e tu nei hei Kai-tirotiro mo te Hahi Maori i muri i tana papa. Ko te whai-korero a te Pihopa na Kingi Tahiwi i whakamaori. Ko etahi o nga take i whakahaeretia ko te tokoiti rawa o nga tamariki e tae ana ki te Kura Minita, ko te tokoiti rawa o nga Minita mo tenei rohe nui, ara tokowha tonu nga Minita Maori me to ratou Kai-tirotiro mo te Pihopatanga katoa o Poneke. Ko te maha o nga kainga e karakiatia ana e 70. Whakaritea ana he komiti mo tena wahi mo tena wahi, hei awliina i nga mahi o te Hahi, hei kohi moni kia taea ai te whakapiki o te oranga o nga minita. I pahitia ano he motini tono kite Hinota nui o te Pihopatanga kia whakaritea kia tokowha nga mangai-Maori ki roto i te Hinota nui, a kia uru hoki he Maori hei mema mo nga poari tiaki i nga whenua o te Hahi. He nui te whakamihi ki te pai o te Hui, kite marama o nga whakahaere, mete whakaohonga ite taha wairua o nga mahi o te Hui a te Hahi Maori.