HE MAHI POAUAU.

Toa Takitini, Issue 31, 1 March 1924, Page 12

HE MAHI POAUAU.

PANUITIA atu enei korero mo tetahi mahi poauau kei te mahia i te takiwa o Whakatane. Ko tetahi tangata no Whakatane nei ko Wi Keepa Hakiaha te ingoa kei te whakatohunga, whakaporopiti hoki ia ia. E ki ana ia kola te tangata i kiia iho e Te Kooti Rikirangi i mua i tona matenga: “ Ki te mate ahau ahakoa pehea te roa ka riro aku whena ma taku tamaiti e man atu ki roto o Turanga.” Na, eki ana a Wi Keepa koia taua tamaiti. I timatatia te mahi tohunga a te tangata nei ki roto o Whanganui, a na nga iwi o ena takiwa i manaki tana mahi. I whakapono aua hapu ki ana korero, i ki ia, kua puta he whakaaturanga kia ia, me nga tohu e whakaatu ana, ae, koia taua tamaiti. Ka tae kite wa i whakaritea ai hei hahunga i nga wheua o Te Kooti (ko te wahi i tanumia ai a Te Kooti he iti rawa nga tangata e mohio ana a kaore rawa taua hunga e whakaatu) katahi ka haere mai a Whanganui a Tuwharetoa a Ngatihineuru me etahi atu hapu neke atu ite ran taua ope, kite hari mai ite tangata nei kite Wainui takiwa o Ohiwa Pei o Pereti, ki te wahi kei reira nei e tanu ana a Te Kooti kia kitea te tika o ana korero i ki ai ia, ka kitea e ia te wahi ara te urupa o Te Kooti a ka riro mana tonu e hahu, e kohikohi nga wheua, a mana e hari atu ki Turanga, hei reira ka kitea etahi mea whakamiharo. Ko te ra i whakaritea ko te 1 o nga ra o Hurae, 1923, hei whakatutuki i ana korero. Te taenga ki taua ra kaore kau ia i hahu i a Te Kooti, kei a ia atu nga take i kore ai e tika kia hahua. Katahi te ope a te tangata nei ka hoki mai i te Wainui ka noho ki Whakatane. Na mai o reira o te 4 o nga ra Hurae, 1923, tae mai ki tenei ra kei konei tonu e noho ana etahi tokomaha o aua iwi; ko etahi kia roa rawa e noho ana ka hokihoki ki o ratau kainga. He hanga whakaaroha nga rangatira o nga iwi nei. He tangata rangatira nga tikanga, rangatira te tu, a ratau wahine he wahine rangatira, pai nga tikanga, me nga mahi kite titiro atu. Kei roto o Whakatane e noho he noa iho ana i rnnga i nga mahi poauau a tenei tangata. Kua mahue atu o

ratau nei kainga me a ratau nei mahi, ka puritia iho nei nga iwi rangatira nei e te tohunga nei kia noho tonu kia tatari kite wa e puta ai ano tana kupu kia hahua a Te Kooti. Engari, awhea tenei “Wa” ? Kaore he tangata ite mohio, kaore hoki te tohunga nei i. te mohio. Heoi ano tona tikanga he wa mutunga kore. Ka kitea ai i konei te tinihanga me te hianga o nga mahi a tenei tangata. Kaore he pai i puta mai i roto i tana mahi, engari he mate ke, mo nga iwi tangata-whenua lae atu hoki ki nga uri i haere mai nei. Na te kaha o te pouri o toku ngakau mo tatau mo te iwi Maori i mahia peneitia e etahi ano o tatau. E arahitia nei etahi o tatau ki nga huarahi he. Ka hoki whakamuri ke ai to tatau ahua, kaore e whakapau te kaha kite mahi ki te whai i nga tikanga tika a te pakeha, kei reira nei te huarahi e tika ai tatau, e kore ai e puta nga tawai ate pakeha. Kaua e whakapau i te taima me nga moni mo nga mahi pohehe. Ki toku whakaaro e tika ana kia whakatikatikangia ano te ture, ara kia whakauauatia te takoto. kia taea ai te whin enei tu tangata. Titiro, whakarongo, puritia hoki nga kupu a to tatau Ariki eki ra ia ia Matin 7, 15. “Na kia tupato ki nga poropiti teka i na haere mai kia koutou he kiri hipi nei o ratau kakahu ko roto ia he wuruhi kai kino. Ma o ratau him ka mohiotia ai ratou e koutou” Heoi ano. —Na Ahu Whakamua. [Kia ora e hoa. Mo to patai mo te ture hei whin i enei tu tangata, tenei kei te rapu Te Toa Takitini i etahi maramatanga. Engari pai ke te hoki rangatira mai o te iwi na ki o ratou kainga, i te waiho ma te ture rawa e whakahoki.— Na te Etita .]