Rev. A. O. Wiremu.

Toa Takitini, Issue 28, 1 November 1923, Page 6

Rev. A. O. Wiremu.

TENEI kua moe i te moengaroa tenei o nga matua o te iwi MaoH. Kaore i roa te paanga mai o tona mate, ka moe nei. I mate atu ia ki Whanganui. I tiho mau pai i a Te \\ iremit te reo Maori. Kaore hoki ia i whakarere i tona iwi Maori a mate noa. He tamaiti ia na Mita Eruera Wiremu, Kai-whakawa o te Kooti Whenua Maori i mu a, he mokopuna na Henare Wiremu, ara Te Wiremu Karuwha. i u mai nei ki Nu Tireni i te tau 1823. No te tau 1880 ka whakapangia hei Minita. Ite tau 1882 ka noho hei Kai-whakaako mo Te Raukahikatea kura Minita. No te lan 1885 ka haere ki Putiki, Whanganui. Mai i tera tau tae noa mai ki naianei, kaore ia i wehe atu i tana iwi i a Whanganui. Ko tetahi o ana tamariki ara ko W. G. Wiremu, 8.A., kei tona tuunga i roto ite Hahi, roto hoki i a Whanganui. Ko tetahi, ara ko Ulrick, he takuta kei Whanganui ano. Ko tetahi kei te mahi paamu i te takiwa ki Pamutana. Kotahi te tamahine. Kei te mihi atu Te Toa Takitini ki te whanau ka mahue pani nei. Ma te Atua koutou, me nga iwi o Whanganui, e whakamarama i roto i tenei kapua pouri kua uhia nei ki a koutou i tenei ra. Haere e koro, ki ton okiokinga. Haere ki te Ariki atawhai.