TE ROHE POTAE O TE UREWERA.

Toa Takitini, Issue 28, 1 November 1923, Page 14

TE ROHE POTAE O TE UREWERA.

ITE whakahaerenga o nga Komihana i nga mahi whakatopu paanga o te rohe o Tuhoe, ka tae ki nga whenua o te tuawhenua o te takiwa ki Ruatahuna, ka kitea te taimaha ote ture mo te taha ki nga moni ruuri. Ite hanganga ai hoki i te ture o te tan 1921, ko te tumanako kia puta he taitara tika tonu i raro i te Ture Whakawhiti mo ia tekihana Maori, ruuri rawa ona rohe, kia takoto pai ai mo nga huarahi mokete moni. Na, ka whakaritea i re ire ma te whenua e whakaea te moni ruuri, ame ahei nga Komihana kite tapahi i tetahi wahi ote whenua i nmga i te wariu hei utu mo te ruuri. Ko etahi o nga wahanga o Ruatahuna poraka e wha ano hereni i te eka te wariu. na, ina tangohia te wahi e rite ana mo te ruuri ka iti rawa e toe ki nga tangata no ratau te whenua. Heoi, i roto ite Ture Horoi o tenei tau kua whakamanaia nga Komihana kite whakaputa taitara i nmga i tetahi mapi whakaahua, ma te Tumuaki kai-ruuri e whakaae hei mapi e tika ai kia puta te taitara. Ko te ahua ko te wahi o te whenua e pa tata ana kite ahua nga rohe, kaore rawa e tapahia ki runga kite whenua. Kei te haere mai te ra, ina tae nga mahi whakanohonoho ki era tu whenua e tika ai kia whakatutukitia nga ruuri. I runga i te tono a nga hapu o Tuhoe kua whakamanaia etahi rahui ngahere mo ratau, he mea tapahi mai i roto i nga wahi kei te Kawanatanga, ma nga Komihana e waitohu aua wahi, e hanga hoki he rarangi ingoa o nga kai-tiaki mo aua wahi. Ko te whakataruna mo nga rahui nei, he rahui ngahere mo nga rakau te take. Ko tona hangaitanga ia, kia whaimana ai a Tuhoe kite taka i roto i a ratau ngahere i hokohoko ai ki te Kawanatanga, kite patu i nga manu o roto. Engari hei a tatau nei tena, kaua e panuitia ki nga tiriti o Poneke.