TE TOA TAKITINI

Toa Takitini, Issue 28, 1 November 1923, Page 1

TE TOA TAKITINI

Registered at the G.P.O. as a Newspaper .

N\ma 28.

V HASTINGS.

Noema 1, 1923.

TE KEREEME A NGAI-TAHU. I ROTO i te Ture Horoi i paahitia i tenei Paremata kua tu te waewae tuatahi o te kereeme a Ngai-tahu, kua whakamaramatia ake ra i tera putanga o Te Toa Takitini. Kanui hoki te marama o te Mema o te Waipounamu, o H. W. Uni, ki te whakahaere i tenei take, mete awhina atu a nga Mema Maori o Aotearoa nei. Na, i runga i ta ratau kaupapa i whakatakoto ai, ka whakaotia e te Minita Maori, ko te wahi e taea i tenei tau, ko te kimi i nga tangata e tika ana kia whiwhi i nga painga i raro i te kereeme a Ngai-tahu. Na reira ka hangaia he rarangi ture pera ano i te rarangi i hangaia i tera tau mo Pattitahi, mo Aorangi. Kua whakawhiwhia te Kooti Whenua Maori ki te mana uiui. a kite whakatau ko wai ma nga tangata e tika ana kia whiwhi i nga painga i raro i taua kereeme, kite whakatau i o ratau paanga, aka tuku mai ai ite ota kite Kawanatanga. Hei whakawa nui tenei, a kite whakaaro iho tera e roa. He iwi nui a Ngai-tahu, kua roa e whakamamae ana i o ratau ngakau mo ta ratau take: kua maha nga whakahaerenga, kua maha hoki nga kohinga moni: kua oti hpki te tohaloha kite mata ote whenua, ki nga motu e rua: ahe tokomaha kua tata te ngaro atu ki roto ki te pakeha. Kei hua mai a Ngai-tahu he wahi iti tenei no ta ratau kereeme. kua whakatinanatia nei kite ture. Ko to ratau tumanako hoki kia ki tonu te Paremata, ae, kua whakaaetia te moni ma koutou i ripoatatia ai ete Komihana. Me whakaaro ratau kite uaua o enei tau mo te taha ki te moni, katahi ano nei te tuara o te Kawanatanga ka rewa ake i nga taimahatanga maha o te pakanga, ote tupuhi i puta i mua tata ake nei. Mei akina ko te taha moni i tenei tau, tera pea e ngoikore te Kawanatanga kite whakaae mai. Na reira ka whaia ko te huarahi e ngawari ana i tenei tau. E kore pea hoki te Kawanatanga e porangi kite whakatu Kooti hei uiui, mehemea kaore ia. ite whakaae kia whakaeaina te kereeme a i Ngai-tahu. *

He mea Panui e Rev. F. A. Bennett, he mea ta e Cliff Press, Queen Street, Hastings, H.B.