MIHANA WHAKAORA.

Toa Takitini, Issue 26, 1 September 1923, Page 15

MIHANA WHAKAORA.

PITOPITO KORERO. ITE Mihana i Awherika ki te Tonga Nui atu nga raea whaka miharo i kitea. I Kimberley e 200 nga turoro i ora. I Johannesburg e 5 nga ra o te Mihana. Ko te tokomaha o nga turoro e mahia ana i tena ra i tena ra 1,200. I Benoni, kaore i uru nga tangata ki roto i te whare-karakia. He mea tuku mai e te Kaunihera o te taone te paaka, whakahaeretia ana ki reira te karakia. I reira tetahi wahine ka 15 nga tau e takoto ana i te mate pararaiha. Kua tae katoa nga takuta kite mahi a ia, a kaore he painga ake. No te Mihana a Te Hikihana, maranga ake ana. Ite Ratapu nana tonu i haere ki te whare-karakia kite akawhet a i ki te Atua. Ko te reta a tetahi wahine e ki ana: “ Ko toku ahua i rite kite tangata i roto ite ruunia pouri e noho ana. Inaianei kua puta ahau kei te wahi marama noho ai. I Piritoria te huihui nui o nga iwi Maori. I whakaritea kite Whare-karakia Maori te Mihana. Ite nui o te tangata, nekehia ana ki te Whare-nui o te Phipotanga (Cathedral). I te nui rawa ote tangata, hikitia ana kite papa purei hoiho. Ko te paaka ote Tiati te poropiti o Te Hikihana. Ko te tokomaha o nga tangata 10,000. He roa hoki te whenua i haeretia mai ai e etahi. Ka kauwhau mai a Te Hikihana ite reo Ingarihi, e torn ana kai-whakamaori, ma tetahi ki te reo Dutch, ma tetahi kite reo Zulu, ma tetahi kite reo Sesuto. Tetahi Mihana whakamiharo ko tenei. . , , . Ite aonga ake ka haere aTe Hikihana ki te hohipera mo

nga mate repera. E 800 nga repera i whakapangia ai ona ringaringa. 1 Pietershurg arm hoki tetahi hui nui o nga iwi Maori. Tekau mano hoki i tera hui i nga ra e rua. Ko te 70 paiheneti o taua hunga he atua Maori o ratou ko te 30 paiheneti he Karaitiana. Engari rite katoa te ihiihi te wehi. E kore e taea te tatau o nga merekara i kitea ki enei hui. E 36 nga kapo i kite. Kotahi te tamaiti Maori i te Kareti, he tino turi, he karurewha hoki. Na te Mihana ka rongo nga taringa, ka hoki nga karu. Tokorua nga pohe, i whanau pohe mai, a na te Mihana ka kite. Tokorua nga tangata he mea kauhoa mai kite Mihana. Te paanga o nga ringa o Te Hikihana, maranga tonu ake, haere ana. Ko tetahi tangata he wahangu. Te mutunga ote karakia, ka puta ki waho, ka tutaki ki tana tamaiti, korero tonu atu. Kotahi te kapo (ko Michael Nicholo te ingoa). I mauria mai e tana wahine kite Mihana. Ko te tawhiti oto raua kainga i te Mihana e 50 macro. Ka ngenge te kapo nei, ka whakawaha e tana wahine. Ka 30 ona tau e kapo ana. E ki ana ia i te paanga o nga ringa o Te Plikihana raua ko te Pihopa ki a ia ka kite ake ia i tetahi maramatanga e heke iho ana ki a ia, mete kite o tetahi o ana kanohi. Mutu rawa ake te karakia, kua kite hoki tetahi.