HINOTA TAKIWA O AKARANA.
NO te Mane te 25 o nga ra o Hune ka noho te Hinota kite whare ote Pihopa. I raro iho ite Pihopa ko nga Minita enei i tae mai; —Atirikona Hokena, Makewiremu, Keretene, Poata, Kerehoma, Paerata, Kaipo, Hori,Haiti, Hone Karaka, Karira Karaka, Paraonel Poihipi, Harawira, Taurau, Panapa, Netana. Nga Mangai Reimana:—Hemi Te Paa, Apetona, Waata, Henare Kingi, Peta Kingi, Piriniha Whareumu, Karipa Wi Patene. Ite 9 o nga haora ite ata ka puare te Hinota. Ka mutu te whai-korero a te Pihopa, ka uru mai a Pihopa Ataria kite ruuma ote Hui. Ko Wiremu Keretene itu kite karanga ite manuhiri, ko Henare Kingi mo nga Reimana. I te tunga mai o Pihopa Ataria kite whakahoki i nga mihi mona, neke atu i te haora ia e whakaatu ana i nga ahuatanga o te whakapono ki roto ki nga iwi maha o Inia. Ko tana korero kaha tenei, kia mau te Maori ki tana Maoritanga, me tana ki, ko te mahi ma nga iwi katoa o te ao he mau mai i o ratou nei ahuatanga tuturu kite aroaro ote Atua hei whakakororia i Tona Ingoa. Na reira ka ki ia heoi ano te mea hei tapaetanga ma te iwi Maori kite Atua ko tana Maoritanga tuturu. Tino nui te whakamihi o nga mema o te Hinota ki a Pihopa Ataria mo te tika o ana korero, me te maha hoki o nga akoranga i roto i tana whai-korero ki te Hahi Maori.
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/TOATAK19230701.2.6
Bibliographic details
Ngā taipitopito pukapuka
Toa Takitini, Issue 24, 1 July 1923, Page 8
Word count
Tapeke kupu
247HINOTA TAKIWA O AKARANA. Toa Takitini, Issue 24, 1 July 1923, Page 8
Using this item
Te whakamahi i tēnei tūemi
See our copyright guide for information on how you may use this title.
Log in