TE KAUWHAU A PIHOPA ATARIA I TE PAKIPAKI, HUNE 16th, 1923.

Toa Takitini, Issue 24, 1 July 1923, Page 15

TE KAUWHAU A PIHOPA ATARIA I TE PAKIPAKI, HUNE 16th, 1923.

* Kahore koutou e matau he whare to koutou tinana no te Wairua Tapu.’’ 1 Kori, 6-19. Ko te tikanga o te kupu “ Church,” mo te tangata, kaore mo te whare. Kia noho te Wairua Tapu ki nga ngakau o nga tangata, aka noho huihui aua tangata kite whare-karakia, katahi ka kiia taua huihuinga he ‘Church,” ara he Hahi. Ma te tapu o nga ngakau ote hunga e tomo ana kite Whare-karakia, e tapu ai taua whare. Kua neke atu i te rau-tau inaianei te taenga tuatahi mai o nga Kai-kauwhau o te Rongo-pai kite iwi Maori. I tera wa e noho ana o koutou tipuna i roto i te pouritanga . Tukuna mai ana e te Atua ana pononga hei hora i te maramatanga ki a koutou, ara a Te Matenga (Marsden), nga Wiremu, Pihopa Herewini me etahi atu, Whakarerea ake o ratou kainga, me o ratou whanaunga kia rongo ai te iwi Maori ki nga kupu ote whakapono. Kua pakeketia koutou ki roto kite whakapono. Kua tae tenei kite wa e tika ai kia utua e koutou a koutou nama. I a koutou e noho ana i roto i te pouritanga ka tukuna mai e te Atua ana karere, ka whiwhi koutou i te maramatanga. Ko tena maramatanga kaore i homai hei pupuri ma koutou ki a koutou anake, engari ma koutou e tuku ki era iwi o te ao, e noho mai nei i roto i te pouritanga. Tukuna to koutou maramatanga kia tiaho ki Meranihia, ki Inia, ki era atu wahi ote ao. Koira te huarahi eea ai ta koutou nama. I' toku Pihopatanga e ono miriona katoa nga tangata. Engari kotahi rau mano tonu nga karaitiana. E tae ana kite 10,000 nga tangata e uru ana kite Hahi iia tau i i tau. Ka nui ke atu mehemea i tokomaha atu nga kai-kauwhau. I tetahi iriiritanga neke atu ite 400 nga tangata 1 iriiria e matou i te ra kotahi, he mea iriiri rumaki ki roto kite awa. Hei tohu tenei mo te tokomaha o nga Inia kei te rapu i te maramatanga o Te Karaiti. Kei te karangatia ete Atua nga iwi katoa oteao ki tana Hahi. Tera iwi me ona ahuatanga, kei te karangatia e ia. Mauria mai a koutou taonga, whakatapua kite Atua. Kanui taku whakamiharo kite Aata, ara kite Teepu Tapu, e mau mai nei nga whakairo, me era atu mahi whakamiharo a o koutou tipuna. Kia mau ki nga taonga rangatira a o koutou matua. Whakatapua kite Atua. Ko taku hiahia kia tupu kaha te Hahi i roto i a koutou. Ka kaiponu koutou i te maramatanga o te Atua, ka mate koutou. Kite kaha koutou kite tuku ite Rongopai ki era atu iwi e noho mai nei i roto i te pouritanga, ko te huarahi tena e tupu ai nga mahi a te Atua i roto i te iwi Maori. Kia mah&ra ki te aroha o te Atua ki a koutou i te wa i noho ai koutou i roto i te pouritanga. No reira ko taku kupu ki a koutou, utua ta koutou nama kite Atua.