TE AROHA O RANGINUI KIA PAPA-TUA-NUKU.
Mo te marama o Mei ara o Te Ngahuru-ma-rua-o-Te-Hakiharatua o Te Tau 1923. Ko Matariki Te Whetu kei te arahi i enei po. Ka timata te Makariri. Nga whakaaturanga ate marama mo nga pai me nga kino enei ra e 31. Turn, Ist, 9.0 a.m. He paki enei ra.—Tangaroa, Bth, 5.48 a.m. He ua enei ra. Whiro, 16th, 10.8 a.m. Ka titakatakta te pai. Tamatea. 24th, 1.55 a.m. He paki kei te haere.— 30th, 4.3 p.m. He paki enei ra.
1. TUREI. Turu. Pari tonu nga tai ata me nga tai ahiahi. He mataitai te kai. 2. WENEREI. Rakaunui,— te pai nga tai mo te kai moana i te awatea. 3. TAITE. Rakau-matohi. Kei te pai tonu nga tai ite taautanga o te ra. 4. PARAIRE. Takirau. He te atatu tonu te kai moana. He ngawari te ata kite, awatea. 5. HATAREI. Oike. —Ko te paigna kei te taautanga ote ra. 6. RATAPU.-—Tua rima i muri iho o Te Aranga. 7. MANE. .Korekore-piri-ki-Tangaroa.—Ka kai te tuna i te whanaketanga kite ata. 8. TUREI. Tangaroa-a-mua. Me hi me rau te ika ite awatea. Me hinaki te tuna. 9. WENEREI. Tangaroa-a-roto.—He aho poupou tenei. Me hi te ika. 10. TAITE. Tangaroa-kiokio.—Kua pukohu a uta. Ka hinga te ika. He ra tino pai tenei. c - 11. PARAIRE. Otane. —He tuna to kai Kei patunga i tenei .po. 12. HATAREI. Orongonui. He ra ngawari tenei, he. po tuna hoki. 13. RATAPU. I muri iho ote kakenga. Mauri. 1 4. MANE. Omutu. He kino tenei ra mo nga kai o uta. Tikina i nga kai o te moana. 5. TUREI. Mutu-whenua. He kino mo uta. Ana nga kai tikina kei tatahi i te awatea. 16. WENEREI. Whiro.—He kai moana anake hoi tikinga ite taautanga o te ra. 17. TAITE. Tirea.—He ra kino tenei. !8. PARAIRE. Hoata. —He ra pai tenei, kua kitea nuitia te marama. 19. HATAREI. Oenuku.—Whakahau te mahi, he poto noa te wa pai. He po tuna tenei. 20. RATAPU o te Petekoha. Okoro. 21. MANE. Tamatea-ngana. —Kei te kaha te au o te moana. 22. TUREI. Tamatea-kani. Kei te au tonu te moana. 23. WENEREI. Huna. He ra kino, he huna kai. 24. TAITE. Ariroa.—He ra pai tenei mo te wero tuna. 25. PARAIRE. Maure.——l te ata ki te ahiahi he pai. 26. HATAREI. Mawharu. —Ka pai tenei ra mo te pouraka koura. 27. RATAPU oTe Tokotoru. Ohua. 28. MANE. Hotu. Kei te ngaru te moana mo te mataitai, engari te tuna me tuku. 29. TUREI. Atua. He ra kino tenei he whakahaehae. 30. WENEREI. Turu.—Tikina nga mataitai i te akau i mua mat o te ra poupou. 31. TAITE. Rakaunui.Hei te ra poupou ka pari mai te tai. Tikina nga kai moana. ME TUKU NGA WHAKAWHETAI ME NGA WHAKAMOEMITI. Ko te tikanga kua whaiti katoa mai nga kai me nga taonga i whakatotia ete tangata kia puta mai he hua. Kua tae tenei kite wa e tika ana kia kite iho tena i te hua o tana mahinga kai o tana mahinga kai a kua whaiti hoki ki roto i nga pataka i tenei marama. He tikanga marama rawa tenei ara te tuku whakawhetai kite Atua mo nga manaakitanga i homai kite ao, me whakatuputupu hoki enei tu tikanga i roto i te hunga e tupu ake nei hei taonga tuturu, kia kaua : hei warewaretia te mihi ki nga manaakitanga. Tirohia te ahua o Matariki i tenei marama, ma kona hoki ka matauria ai te ahua mo nga ra o te tau kei te heke iho, ara te tu tatahi, te tu putuputu ranei. Ka wehea mai te Tau Tawhito i te wiki tuatahi o Hune, i roto i ta te Maori whakatakinga i nga ra o te tau.
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/TOATAK19230501.2.14
Bibliographic details
Ngā taipitopito pukapuka
Toa Takitini, Issue 22, 1 May 1923, Page 15
Word count
Tapeke kupu
624TE AROHA O RANGINUI KIA PAPA-TUA-NUKU. Toa Takitini, Issue 22, 1 May 1923, Page 15
Using this item
Te whakamahi i tēnei tūemi
See our copyright guide for information on how you may use this title.
Log in