II.—NGA KUTU ME NGA RIHA.

Toa Takitini, Issue 21, 1 April 1923, Page 3

II.—NGA KUTU ME NGA RIHA.

Kanui te kutu mahunga ki te tamariki. Ahakoa ma le tamaiti, he hanganoaiho te piringia e te kutu o etahi, engari ka tika te whakahaere ka taea te whakakore. Kaua rawa e waiho noaiho nga kutu o te tamaiti kei horapa haere ki etahi. Tetahi kei tupu he mate ki te kiri ote mahunga, kei pukupuku nga tona ote kahi a pirau iho. Kaua e whakaaro ki nga kutu anake engari nga heeki ara nga riha e piri ana ki nga huruhuru me patu ano hoki, te take ka whanau mai hei kutu i roto i te wiki kotahi. TE PATU KUTU. Te hapaki, he patu takitahi noaiho, kaore he painga. Me tino whakamaku nga makawe kite karehiini (kerosene), ka takai te mahunga ki te kakahu i whakamakukutia kite karehiini, ka takai ai a waho kite taora a ka moe pera. Ite ata tino horoia nga makawe kite hopi mete waiwera, kia ngaro ai te karehiini. Kia nui te hopi. Ka mutu ka hem kite heru puputu kia riro ake ai nga kutu kua mate. I te po i muri iho ka whakahaere ano te karehiini. (Kia kore ai te karehiini e heke iho ki te kanohi, me pani haere te taha o nga makawe kite waharini, ki te rongoa pani, hinu rauei i mua ote mahinga o nga makawe ki te karehiini.) WHAKATUPATO —Kaua e whakamahia te karehiini ki te taha o te ahi, o te raiti ranei, kei wera. TE TANGO I NGA RIHA. —Ka mutu te patu kutu, me tahuri ki nga riha. Me whakamaku nga makawe mete kiri ote mahunga ki te winika (vinegar) kia maunu ai. Ka mutu ka heru kite heru puputu. Ko taua heru me whakamaku hoki ki te winika. He pai me whakamahana te winika. Mehemea he uaua te hero ite mahunga. Me haku nga makawe ki te anga pipi, ki te naihi ranei. Mehemea he hakihaki, he patito ranei kei te mahunga, kaua e mahia kite winika. MO NGA HAKIHAKI, PATITO RANEI 0 TE MAHUNGA, APITI KI TE KUTU. — nga makawe kia tino poto. Horoia nga wahi mate kite wai mahana, boracic ranei kia ngawari ai nga paku; ata tangohia nga paku a ka ata mirimiri ai te rongoa pani kite mahunga. Me mahi ia ata ia ahiahi. Me ata horoi i ia ra, kia riro ake te rongoa pani tawhito. Te rongoa pani. —White precipitate ointment, vaseline, eual parts.—Kei te mohio nga mahita kura me nga kemihi ki tenei rongoa. (Kia pai haere nga hakihaki, ka timata ai te patu kutu ki te karehiini.) KIA KORE AI E HOKI MAI.— (1) Me tino whakahaere nga tohutohu. (2) Me horoi katoa nga heru me nga paraihe kite rongoa horoi. (3) E noho ana te kutu i roto i nga potae. Noreira unuhia te raina o nga potae a ka horoi. Mo nga ngawari, he pai te haeana kite haeana wera. Ko nga tuituinga nga tino wahi

hei haeana. Me horoi aka haeana nga ripine here makawe. (4) Ata tirohia nga moenga, nga paraikete, nga urunga, me nga kakahu, kei noho mai te kutu i reira a ka piri mai ano kite mahunga. Nga mea e taea te horoi, me horoi me tuku ranei ki roto i te wai rongoa. (5) Tirohia nga mahunga o nga whanaunga a karehiinitia hoki ratou. KIA KORE AI E PIRI MAI TE KUTU. (1) Wahakahaerea te tiaki i nga makawe, kua korerotia ake nei a i ona wa tirohia nga mahunga o nga tamariki. (2) Kauaka rawa e whakaaetia kia kakahu nga tamariki i nga potae o etahi atu. (3) Ko nga makawe o nga kotiro me tapahi kia poto a me here ranei kite ripine kia tarewa ai kite tuara. KI NGA MATUA. E koro ma, e kui ma kia kaha ki a koutou tamariki, mokopuna, kia pai ai kia ataahua ai te tupu o a koutou uri hei . tangata mo te iwi Maori.