WI NGARA HOUKAMAU.

Toa Takitini, Issue 13, 1 August 1922, Page 9

WI NGARA HOUKAMAU.

,No te 18 o nga o Hune i mate ai tetahi o nga taniwha nui o Ngati Porou a Wi Ngara Houkamau ki Wharekahika. He taina ia no Te Hatiwira Houkamau o Te Araroa. He tamariki tahi raua na Te Iharaira Houkamau Te Nui, he kaumatua piri pono kite Kawanatanga, he tino hoa no Te Makarini, Minitia o te taha Maori i nga wa ote pouritanga. Ko Wi i whakaritea eto raua matua hei mau i nga iwi o Wharekahika, ko Te Hati mo roto oTe Araroa. I tino piki rawa ai te ingoa o tenei o tatou rangatira, he kaha kite mau tangata, he kaha hoki ki te pupuri kite whakahaere i nga tikanga ote

Whakapono. Ko tona kainga, me ia hoki, he tino okiokinga no Pihopa Wiremu tuatahi, no Pihopa Tuati, Pihopa Renata Wiremu me tenei Pihopa onaianei, me Atirikona Hapata. He rangatira tenei i hapai nui ite H.ihi, a kaore i whakaae kia tae mai he Hahi hou, he tohunga ranei, Id ona rohe katoa. Ka peia atu e ia. Heoi ano tana i mate nui ai ko te Hahi o Ingarangi, nana nei i homai te tino maramatanga kite iwi Maori. I taenga whakamutunga mai o te Pihopa ki a ia i a Aperira ka taha ake nei, ka hoatue ia te rimu-tekau pauna (£so) he wliakaaro naana na tana iwi hoki mo te oranga minita ote Pariha oTe Kawakawa. “E te Pihopa, na te moni ka hoatu e ahau ki a koe mo te oranga minita o te Pariha oTe Kawakawa. Mau e whakaatu ki a Hapata Wiremu.” E ki ana a Wi he tangi noake no tona ngakau ki a Hapata, mai ano i tana tipuna i a Pihopa Wiremu, i a Pihopa Tuati, te mea nui rawa i roto i tona ngakau ko Mila Renata. Ko te morehu ko ta raua tamaiti e tirotiro haere nei i a Ngati Porou tae atu hoki kia Te Whanauapanui.