HERE IS A MESSAGE FROM MR McEWEN E nga iwi, e nga hapu, e nga reo, e nga huihuinga tangata, e noho mai na i runga i nga marae a o tatou tupuna matua, i te Ika-a-Maui me te Waipounamu whiti atu ki te Wharekauri, tena koutou, tena koutou, tena koutou. Tena koutou me o tatou tini aitua e hinga atu nei e hinga mai na i runga i o tatou marae maha, kua whetu-rangitia ratou no reira e nga mate haere, haere, haere. E aku rangatira tena koutou. Pupu ake ana te aroha, te hari me te koa i te puna o te ngakau no te mea kua whakawhiwhia ahau ki te taonga nei a i whai huarahi ai ahau ki te hoki mai ano ki waenganui i a koutou otira me penei ake kua hoki mai ano ahau ki te Ukaipo.
E raurangatira, ma ahakoa e akitia ana tatou e nga ngaru nunui e pupuhitia ana e nga hau kikino e uangia ana e te ua i runga i te ahuatanga o enei ra; hei aha atu: engari anga atu o tatou tinana me o tatou wairua ki te arai atu i enei mea e whakamamae nei i a tatou. Otira me tahuri tatou i runga i te rangimarie me te whakaaro kotahi ki te hanga i tetahi kaupapa kia au ta tatou noho a kia mahue tika iho o tatou uri whakatupu. E aku hoa rangatira me pehea ra e oti ai? Ma te noho? Ma te moemoea? Ma te wawata? Kahore! Ma te werawera; ma te puku mahi; ma te manawa pa, ma te ngakau tahi, me te manawanui e tupu ake ai te ora me te pai mo te iwi. Me penei ake te ki: ‘Nau te rourou, naku te rourou, ka ora te manuhiri.’ No reira e aku hoa awhi pono tatou ki a tatou, whakatikatika i a tatou ki te whakamatautau a kokiritia me te tohe tonu kia whiwhi tatou ki nga hua rangatira o te ao hou. Otira e te iwi taro ake nei ka kite a kanohi tatou a ka tae atu ta koutou mokai ki waenganui i a koutou kia taututaki tatou i runga i nga marae ki kona tatou mihi ai, poroporoaki ai ki a ratou ki te hunga kua mene atu ki te po a kia korero tahi tatou me te whakawhitiwhiti whakaaro ano hoki mo nga ahuatanga o te wa. Kei mea koutou he aroha kirimoko te aroha mo koutou, kao, no te whatu manawa tonu. Ma te Runga rawa koutou e manaaki mana ano hoki e whakato te purapura pai ki tena ki tena o tatou. Heoi ano, Na ta koutou mokai J. M. McEwen Tumuaki o te Tari Maori
Permanent link to this item
https://paperspast.natlib.govt.nz/periodicals/TAH196312.2.3.2
Bibliographic details
Te Ao Hou, December 1963, Page 3
Word Count
454HERE IS A MESSAGE FROM MR McEWEN Te Ao Hou, December 1963, Page 3
Using This Item
E here ana ngā mōhiotanga i tēnei whakaputanga i raro i te manatārua o te Karauna, i te manatārua o te Māori Purposes Fund Board hoki/rānei. Kua whakaae te Māori Purposes Fund Board i tōna whakaaetanga ki te National Library of New Zealand Te Puna Mātauranga o Aotearoa kia whakawhanake kia whakatupu hoki ā-ipurangi i tēnei ihirangi.
Ka taea e koe te rapu, te tirotiro, te tā, te tiki ā-ipurangi hoki i ngā kai o roto mō te rangahau, me ngā whakamātau whaiaro a te tangata. Me mātua kimi whakaaetanga mai i te poari mō ētahi atu whakamahinga.
He pai noa iho tō hanga hononga ki ngā kai o roto i tēnei pae tukutuku. Kāore e whakaaetia ngā hononga kia kī, kia whakaatu whakaaro rānei ehara ngā kai nei nā te National Library.
The Secretary Maori Purposes Fund Board
C/- Te Puni Kokiri
PO Box 3943
WELLINGTON
Waea: (04) 922 6000
Īmēra: MB-RPO-MPF@tpk.govt.nz
Information in this publication is subject to Crown copyright and/or the copyright of the Māori Purposes Fund Board. The Māori Purposes Fund Board has granted permission to the National Library of New Zealand Te Puna Mātauranga o Aotearoa to develop and maintain this content online.
You can search, browse, print and download for research and personal study. Permission must be obtained from the board for any other use.
You are welcome to create links to the content on this website. Any link may not be done in a way to say or imply that the material is other than that of the National Library.
The Secretary Maori Purposes Fund Board
C/- Te Puni Kokiri
PO Box 3943
WELLINGTON
Phone: (04) 922 6000
Email: MB-RPO-MPF@tpk.govt.nz
Log in