TE ORANGA TONUTANGA.
Wahi 111. “ Tukua kia tika ta matou whakarongo atu, ta matou korero, whakaaro , ako i aua kupu I. He aha te oranga tonutanga ? Ko te matauranga kite Atua, ki a Ihu Karaiti ano hoki. ( Hoa. xvii. 3.) 11. A hea te tangata whiwhi ai kite Oranga Tonutanga ? A naianei ano. Ko te wa ano e whakapono ai te tangata ki a te Karaiti, ko tona whitinga atu ano tena i te mate kite ora. ( Hoa. v. 24. Tirohia Nama 27.) 111. Me aha e whiwhi ai te tangata kite oranga tonutanga ? Ma te whakapono anake. E tino tautokona ana tenei whakahoki e te Karaipiture. IV. He aha te Whakapono ? Ko te whakawhirinaki o tetahi tangata ki tetahi tangata. Ehara te whakapono i te mea kaha kite kimi, kite mahi; no te ngakau, kaore e kitea ete kanohi, kaore ona tinana. V. He aha te whakapono e ora ai te tangata ? “ He whakaaetanga ki a te Karaiti hei kaiwhakaora, he whakawhirinakitanga ki a ia.” He rite tonu te whakapono kite tangata nei ano kite whakapono ki ate Karaiti, heoi ano te rerenga ketanga ko te hunga e whakaponohia ana, he tangata tetahi he Atua tetahi, he kaha kore tetahi he tino kaha tetahi. ( Rom. x. 10. Tirohia Nama 28.) VI. Me aha e kore ai te tangata e whiwhi kite Oranga Tonutanga? He maha nga huarahi e whakaarohia ana e te tangata hei kawe ia ia kite pa ote oranga tonutanga, otira kotahi ano ta te Atua huarahi i whakarite ai, ara ko te Karaiti. “Ko ahau te huarahi, te pono me te ora : e kore rawa tetahi tangata e haere ake kite Matua kite kahore ahau.” ( Hoa. xiv. 6.) “ He huarahi ano tera e tika ana ki ta te tangata titiro; tona mutunga ia ko nga huarahi kite mate.” ( Whtau. xiv. 12.) (i). E kore te tangata e ora i tona tika ake. Ko o te tangata painga kua paru katoa ite hara, kahore hoki he tangata tika, kahore kia kotahi, po ... kore rawa. ( Rom. hi. 10-12, 23.) Nui ke atu nga kino o te tangata i ona. painga, a ko ona tika katoa he mea weriweri ki ta te Atua titiro mai. “ Matou katoa ia kei te mea poke te rite, a matou tika katoa mete mea he kakahu rukenga.” (Iha. Ixiv. 6.) Mehemea ma te tika o te tangata ia e ora ai, kaati e kore e rite tonu te oranga mo nga tangata katoa,
no te mea kaore i rite tonu te tika o te tangata, ko etahi i pai ake i etahi, ko etahi i tino pai rawa. Tera pea e poto te oranga o nga mea kaore i tino nui to ratou na tika, a, e tino roa rawa te oranga o nga mea tino tika, hei te paunga pea o nga tika ka porowhiua kite reinga. Ko nga kakahu marena ehara i te mea no nga manuhiri ake, engari he mea homai na te rangatira o te marena. Waihoki te tika hei uhi i a tatou e maia ai tatou kite tu kite aroaro o Ihowa ko te tika o te Karaiti i runga i tona matenga mo te hunga hara. “ Tera hoki kihai rjei i matau kite hara (ara a te Karaiti) meinga ana ia hei hara mo tatou ; kia meinga ai tatou ko te tika o te Atua i roto i a ia.” ( 2 Kri. v. 21.) “ Te tika mo te he ” ( 1 Pit. iii. 18.) Kite paunatia nga painga katoa o te tangata me ona kinonga katoa ano hoki, me he kohatu e toremi ana kite moana te hekenga 0 te pito ki ona kinonga, heoi ano te mea e piki ai ma te noho o te Karaiti kite pito ki nga painga. E te hoa kei whakamanamana ki on ake painga hei whakaora i a koe, kei taupapahake koe. (2) E kore te tangata e ora i ana mahi. “ Ehara i nga mahi, kei whakamanamana te tangata, (engari na te whakapono anake).” ( Epeh. ii. 8, 9.) Mehemea ma nga mahi e ora ai te tangata tera ia e whakamanamana a tona taenga kite rangi, e mea : “ E an pai kite mahi penei pera, na e noho nei au i te rangi?” Tirohia Rom. iv. 4, 5. 2 Tim. i. 9. Tai. iii. 5. (3) E kore te tangata e ora i te puritanga 1 nga time, no te mea kaore he tangata kotahi i te ao nei e taea ana te pupuri nga ture katoa a te Atua. “ Kite mau hoki te ture katoa i tetahi tangata, a ka kotahi ano te mea e tutuki ai ia, kua he ia kite katoa.” ( Hem. ii. 10. Tirohia Kar. iii. 10-13.) Kei parau te tangata kite whakaaro i roto i tona ngakau ka taea e ia te pupuri nga ture kia rite ki ta te Atua i whakatakoto ai. Otira na te Karaiti i whakarite te ture mo te hunga e whakapono ana ki a ia ; ko ia i kanga e te ture mo tatou. ( Kar. iii. 13. Tirohia Rom. x. 4.) Kaore kau he mahi ma te tangata e ora ai ia, kaore e taea e ia te utu te oranga tonutanga, heoi ano tana he whakapono anake. Ko te oranga tonutanga he mea e homai noa ana e te Atua, heoi ano ta te tangata ko te tango. Tirohia Rom. vi. 23; Epe. ii. 8; Hoa. iv. 10; Whkit. xxii. 17. VII. Te wahi mo nga mahi. Otira kaua te tangata e pohehe i te mea ehara ma tona tika ake ma ana mahi ma tana pupuri ranei i te ture ia e ora ai, kia noho tonu ia i roto i te hara. Mehemea he whakapono tika to te tangata, he whakapono i kiia ra e Paora, “ e mahi ana i runga i te aroha,” ( Kar. v. 6.) e kore e hapa
tona whai kite mahi kite Atua, tona pupuri i ana ture, ehara i te mea kia ora ai ia, engari na te mea kua whakaorangia ia, na te mea e akiakina ana ia e te aroha o te Karaiti i mate nei mona. (Tirohia 2 Kri. v. 14, 15. Hoa. xv. 14.) Ko te mahi atu kite Atua he kumenga na te aroha, ma tenei ka mama ai ana ture (1 Hoa. v. 3). “ E aroha ana tatou ki a ia, no te mea ko ia kua aroha ki a tatou i te tuatahi.” (1 Hoa. iv. 19.) VII. Te tino Oranga Tonutanga ehara i te mea ko te taenga kite rangi, ako te honeatarga mai i te reinga, engari ko te whakaoranga o te wairua o te tangata e rewa ake ai ia ki runga o nga hiahia, o nga mahi a te kikokiko, ate ao, ate reweia. Kua toa ia kite hara kite kaha ote hara, kua mutu tona p r nongatanga kite hara. Tirohia Rom. vi. 11 —14. I mea a te Karaiti: “I hr.ere mai ahau kia whiwhi ai ratou kite ora, ira, tona nui noa atu.” (Hoa. x. 10.) Ko nga mea kua rite i te Atua hei whakanui i te oranga tonutanga o te tangata:— (1) Ko te korero ko te ako i tana Kupu. 1 Pit. ii. 2 ; Hoa. vi. 63 ; Her. xv. 16. (2) Ko te Inoi. 1 Teh. v. 17 ; Wai. Iv. 17; Rom. xii. 12. (3) Ko te Hapa ate Ariki, ma reira hoki “ ka whai kaha ai, ka whai manawa ai o tatou wairua.” Tirohia Hoa. vi. 53. (4) Ko te Wairua Tapu, hei whakatapu, hei whakakaha i te tangata, ina tapaea atu te ngakau me nga wahi katoa o te tangata kia nohoia e ia. Tirohia Rom. xii. 1 ; Kar. v. 22, 23. ( Ko te mutunga.) ISsT E hoa, kua tino whakamaramatia te Oranga Tonutanga ki a koe, kaati whakaaro iho ki a koe ano ki tou wairua hoki, me era e titiro ana ki tau tauira. Kei whakaparahako koe kite aroha noa ote Atua, kaua e kohuru i a koe ano, kua marama te ora he mea e ngawari ana.
Permanent link to this item
https://paperspast.natlib.govt.nz/periodicals/PIPIWH19000901.2.6
Bibliographic details
Pipiwharauroa, Issue 31, 1 September 1900, Page 4
Word Count
1,339TE ORANGA TONUTANGA. Pipiwharauroa, Issue 31, 1 September 1900, Page 4
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in