TE HAHI MOMONA.
“ Kaore matou nei e kohikohi ana.’’ - i I ie .17. o nga ra 0 Maehe nei ka haere etaiu minita Womonarki tekorero ki te etita
0 te “ Poverty Bay Herald,” o Turanga, ki te korero mo to ratou Hahi. I niea ana Momona kua whakakorea e to mtou Halij te moe tokomaha o te tangata i te wahine, a inaianei kei te kaha haere to ratou Hahi i waenganui o nga Maori o Niu Tireni. E 4,000 nga Maori kua huri ki 'te 'Momona (kaore i whakaaturia e raua nga mea kua ngenge kite Momona),. e torn ; te kau ngs kaikauwhau ki nga Maori,- e rua. ki nga Pakeha. Kaore o ratou na minitae utungia ana, -engari haere noaiho ai, kei o ratou hoa he oranga mo ratou, e rite . ana ta ratou ki ta te Karaipiture, kaore e mau i te “ takotoranga moni, putea ranei.” He nui [atu nga kupu whakapehapeha a ana Pakeha mo te raua Hahi, a ho a raua korero . i panuitia e te Poverty Bay Herald,” hoi whakaki nupepa noa pea. I tetahi ra mai ka .puta te reta a tetahi - Maori i ] - oto i te “ Poverty Bay Herald i puta ona kupu mo nga korero a nga Momona, a i-uia hoki e ia tetahi paiai kahore : ano kia hoki noa i aua Momona. Ko te whakamapritanga, tenei o te reta a tana Maori—- ; Ki te Etita o te “ Herald.’’ . Ehoa,—l te tuhinga o te nupepa inanahi 1 panuitia e koe a koutou korero ko etahi Momona tokorua, a i ta koutou korerotanga i ■ whakaatu aua Momona kia koe i te tohanga o to ratou Hahi ki nga takivva Maori, otira , kore rawa tetahi kupu kotahi i puta mo te tahuritanga o te Pakeha ki a ratou Whakaakoranga. Inaianei (e mea ana ratou) e torn tekau a ratou kaikauwhau kei nga Maori, a kua 4,000 nga Maori kua tahuri kite Momona, ara te ingoa tika mo aua Maori ho porohiraiti. He toa rawa o kai-homai korero kite ki e rua o ratou kei te kauwhau i to oranga ki te iwi kiri-ma o tenei koroni. Kaore i te mate atu i toku ngakau tenei tikanga! I au he Maori e tika ana kia whakaaturia mai e ena Momona tokorua, e hia o nga Pakeha kua huri ki te karakia Momona ; a he aha te take i rua tonu ai o ratou kaikauwhau ki nga Pakeha e 700,000 a i 30 rawa ai ki nga Maori e 39,000 tonu nei ? He whakaaro ranei no ratou he pai ke atu mo matou mo te Maori te rumaki, te Pukapuka aMoromona, mete moe tokomaha i te wahine, tena mo nga akeha ? (Engari, kum whakamutua hoki ta ratou kauwhau kia ngahuru te wahine) ; tera ranei he whakaaro he iwi wairangi matou te Maori ? . Tera atu ano etahi take i whakamanamana ai nga Momona tokorua na mo to raua -Hahi, e hiahia ana ahau ki
te whakahoki; E whakapehapeha ana raua, haere noaiho ai ratou na, kahore “he takotoranga; moni, kahore he putea.’’ E kore au e whakahoki i enei kupu a aua Momona, engari e tino .whakaaro ana ahau, he painga mo te Maori, mehemea nga tangata e haere ana ki o ratou kainga e mau “takotoranga moni ana ; putea ranei, e pera ana ranei me Paora kona-ringaringa ano hei mahi, a nei to he ko te. patu i te ..Maori i runga i to ratou ngakau aroha ki te tangata. • Heoi ano, ■’ '■ Naku na.
Maku e apiti atu etahi kupu mo te wbakahe a nga Momona mo te kobikohi e mea ana ratou kaore o ratou na minita o utungia ana. I penei ano nga minita o te Hahi o Ingarangi i mua, kaore kau i whangaia e nga Maori, no te mea he kohungahunga kau te Hahi Maori i tera wa, tena i enei ra ka pakari nei mana ano ia e whangai. I te mea e iti ana te tamaiti ma tona koka ia e whangai, otira i a ia ka pakeke mana ano ia e kuhu atu. I nga ra i mua ko te Hahi matua i Ingara gi kite whangai i o tatou minita, kaati inaianei e pai ana ma tatou ano, otira he nui ano te whangai a te Hahi matua e puta mai ana ia tau, ia tau. .Ko wai au kahua kahore e kohikohia ana he oranga mo nga minita Momona i Uta. Otira e hoa ma he hangarau noaiho te mahi a nga Momona, kaore i te whakahetia e te Paipera te bokihold. No te Kawenata Tawhito mai rano te ohaoha a tae noa mai kite Kawenata Hou. I te kitenga o Ibu i nga Hurai e kohikohi moni ana kahore rawa ona kupu whakahe, whakamutu ranei, engari i tino nui tona whakamibi mo te patene a te wahine pouaru rawakore. Tirohia hoki a Ruka 22, 85, 86. I pehea a Paora ? I whakahau ia ki nga hahi o Karatia, me o Koriniti kia kohikohi mo te hunga tapu i te ra tuatahi o te wiki (1 Koriniti 16, 1-2). Tirohia a 1 Korin 9. 7-13, Karatia 6. 6, 1 Timoti 6. 18, 19. Na te aha i kaha ai nga Momona ki te tawai ki to tatou Hahi, mo te kohikohi oranga mo o tatou kaiwhakaako ? He tikanga pai ra tenei kia tau ai te taumahatanga kite iwi katoa, a na te he ko te tikanga a nga minita Momona ko te noho i te kainga kotahi, a na wai ra ka mate noa iho te tangata kotahi i te mahinga, i te kimihanga kai ranei ma ona tohunga. E nga hoa, e taku iwi aroha kia toa, kia hihiko te ngakau ki te wero a Te Wiremu kia wbakanui tatoui nga tahua moni hei oranga
mo o tatou minita, kia watea ai ratou mo nga main whakawairua anake. E ki ana ko to tatou Ariki. “Te Whakawhiwhi nuiatu te hari i to te whiwhi.” (He mea tuku mai na E. T. K.
Permanent link to this item
https://paperspast.natlib.govt.nz/periodicals/PIPIWH18990501.2.9
Bibliographic details
Pipiwharauroa, Issue 15, 1 May 1899, Page 6
Word Count
997TE HAHI MOMONA. Pipiwharauroa, Issue 15, 1 May 1899, Page 6
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in