TE PIPI WHARAUROA.
. Noiemea lie maha nga tone kua tae mai kite Etita o te “Pipi” kia whakanuia ta tatou pepa, kola tenei te ahua o te pepa mo nga ra e hiere mai nei. E nga hoa, he aha ta koutou ma te manu e rere tonn nei ki o koutou takiwa ? Ma te kakano kia hua, ka momona tonu ai ta tatou manu. Kei wareware ki tenei taonga nui i waiho ake ai e nga tupuna, ara te aroha. Kaore he oranga ke atu mo te manu nei kei a koutou tonu. Kia mutu ta koutou whangai mai, hei reira pea mate ai. Engari kaore pea e hoki te ahua o ta koutou mokai. Katahi ano tana reo ka tino rangona ki nga takiwa katoa o te Aotearoa mete Waipounamu. Kite mahara ake hei tenei tau tino nui ai te awhina a nga hapu katoa i tenei taonga a te iwi. Nga tikanga mo ta tatou manu. Kaore he utu tuturu mo ta tatou pepa. Kei te tangata tonu te whakaaro. Ahakoa kotahi te hereni, e pai ana, a kite hiahia kite tuku maiki a tekau nga pauna, nui atu ranei, kei te pai a o hoki. Tukuna mai o koutou ingoa me to ingoa o te Poutapeta, kia tae atu ai te manu nei ki a koutou. Ko nga moni e pau ana i te marama kotahi, mo te perehitanga i nga pepa e waru rau, e torn pauna (£3). Ko te utu mo nga pane Kuini kotahi pauna (£1). Kati. Kua kite iho koutou ko te utu mo te pepa nei i te marama e wha nga pauna (£4) ; i te tau e tata ana kite £SO. Kaore he puranga moni a te Pipi, Ma te aroha o nga tangata ka ora ai. Etahi huaeahi e oea AI TE Pipiwhakauroa. 1. Ma ia tangata, ia wahine e tuku mai tana moni i hiahia ai. 2. Ma tetahi tangata whai-whakaaro e whakapuaki i te aroaro o te whakaminenga nga tikanga mo te Pipi. Hei reira ka kohikohi ai i ta ratou ohaohatanga. 3. Me mahara nga Minita me nga kaikarakia kite whakarite i tetahi ra tuturu,
hei kohikohitanga ma nga whakaminenga i tetahi oranga mo ta koutou taonga. 4. Me whakarite tetahi ra hei haerenga mo nga tangata kite mahi pakeha pea. Ko tetahi wahi o tana utu ire whakarite hei aroha mana kite Pipiwharauroa (E mana ana tenei tikanga i te Pakeha). 5. Ko tetahi huarahi pai ma nga wahine, he hanga taonga Maori (kete, poi, piupiu, napukena rnngi) (napkin rings) me era atu mam huhua noaiho ate wahine. Ko aua taonga me tuku mai ki ahau ki Nelson hei noko i konei, a ma koutou ano ranei e hoko atu, ko tetahi wahi onga hereni ka tuku mai ai hei oranga mo te manu. (Kei te mana tenei tisanga i nga Maori o Motueka o Wairau.) 6. Ko tetahi wahi o nga whakatekau ma te Atua me tuku mai mo runga i tenei mam. 7. Me inoi tonu tatou kia tukuna mai e te Atua tana manaakitanga ki runga ki . I ? 3 mahi, kia meinga ai hei painga mo te iwi Maori. Kati. Tera atu ano etahi huarahi, engari ma koutou ano e ata whakaaro iho. Heoi ano, ma te Ariki o tatou ngakau e whakamarama, Na ta koutou mokai. Na te Pipiwharaueoa.
Permanent link to this item
https://paperspast.natlib.govt.nz/periodicals/PIPIWH18990501.2.3
Bibliographic details
Pipiwharauroa, Issue 15, 1 May 1899, Page 2
Word Count
558TE PIPI WHARAUROA. Pipiwharauroa, Issue 15, 1 May 1899, Page 2
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in