PITO PITO KORERO.

Pipiwharauroa, Issue 12, 1 February 1899, Page 5

PITO PITO KORERO.

Kua rongo matou i nga kupu wbakamibi mo ta tatou mokai, mo Te Pipiwharauroa. Kei te tioro tonu tana tangi, ahakoa e wbakatata ana tenei kite hotoke. Ko ta matou tino biabia ia ko ona parirau kia tipu i runga i te bua o te kakano, ara i te ngawari mai o te ngakau o te tangata kite tuku mai i o ratou aroba. Te £l2 6s Od te bua o te ahuareka a nga tangata o Motneka. E£6 no nga taonga o te Eakau Kirihimete, ko te toenga no te whaikorero a Perere Peneti mo nga mabi whakairo o te Maori, no nga waiata hoki a nga tamariki o Te Aute. Nga tino kai whakahaere o tenei mahi ko Karani Wi Katene raua ko Pare Paaka. E toru pauna ta ratou moni kua homai hei oranga mo To Pipiwharauroa. He mea pai tenei hei tauira ma era atu o matou boa.

I tu ano tetahi Rakau Kirihimete ki Waikawa, Picton, ko tetahi, ki Wairau, I rongo matou kua hoki mai a Rawi raua ko tona hoa ki Niu Tireni. I haere raua ki Ingaranga, ki Ahitereria, kite whaikorero haere i nga mahi a te Maori. E kiia ana he tangata pai i a kite reo Ingirihi. Mehemea e hiahia ana era atu oatatou pepa kite kape i etahi korero o Te Pipiwharauroa, ara a Te Tiupiri, a Te Puke ki Hikurangi, a Te Paki o Matariki, me era atu pepa ranei, he tone tenei na matou kia penei tia te whakaatu. “ He mea kape mai i Te Piprwharauroa. He tono tenei na matou li te Iwi Maori katoa, ki nga kaumatua ki nga pukorero, ki a tukua mai hei mauranga ma Te Wharauroa, nga whakatauki a taua a te Maori, me ona tikanga ano hoki. Ma tenei tikanga ka noho nga whakatauki i roto i te pukapuka, hei ako ma matou ma nga tamarika. I roa ai te putanga o tenei kape o te Manu nei, he ngaronga atu no te Etita ki ana mahi kauwhau haere i te Bongo Pai ki nga takiwa o Whangarae Te Hoiere, Wairau, Waikawa, Kaikoura. Kanui te koa o nga kai-whakahaere o te pppa nei mo te urunga mai o Reweti Kohere hei Etita tuarua mo ta tatou pepa. Kei Turanga ia e noho ana inaianei kei te Ruakahikatea. He nui nga tono kua tukuna mai kia whakanuia ta tatou pepa. E hoa ma e kore e taea, engari mehemea ka nui ake nga kakano hei oranga katahi pea ka taea. Mehemea i rite katoa nga kainga ki Motueka te awhina, kua nui noa atu. Wairau. He panui tenei, na nga tangata o Wairau kia mohiotia ai e nga tangata e

haereere atu* ana e noho ana ranei i Wairau kua puta te kupu a te Eomiti o Wairau kia noho to ratou kainga i raro i nga tore i banga ai ete Komiti. Ko tetahi o nga ture e penei ana, “ Ko te waipiro kia kaua e tae atu ki r oto ki te rohe i whakaritea ai e te Komiti.” Tera ano nga whiu kua whakaritea mo ia hara, mo ia hara. I runga i te whakaaro nui o nga tang.ita 0 Wairau ki a ratou tamariki, kimihia ana he tikanga e kitea ai tetahi Hamonia (Harmonium) hei ako i nga tamariki kite waiata Hei te 3 o nga ra o Aperira ka tu ta ratou mahi ki Blenheim, ara nga mahi ngakau ate Maori hui atu ki nga iaonga Maori i hanga ai e nga wahine hei hokohoko. Eo nga moni e puta ana ko tetahi wahi hei hoko 1 taua taonga, ko tetahi wahi hei awhina i nga mahi e kimihia nei hei painga mo te iwi.