E KORE TE TAHI E PANGA KI WAHO.
Kite haere mai te tahi ki a au, e kore rawa e panga atu e ahau ki waho. Ko te pai tenei a toku Kai tono nr ai ko nga tangata katoa e kite ana i te Tamaiti, a e whakapono ana ano ki a ia, kia whiwhi ratou ki te oranga tonutanga, maku hoki ratou e whakaara ake a te ra whakamutunga. Hoani vi. 30 — 40. Ka kite nei tatou i konei kahore a te Atua tikanga puku hei whakangaro i te tangata, a ahakoa i nui noa atu nga hara o mua, a tupu tonu nga weri o te kino, man tonu ta Hatana, ahakoa i paheke ki te he, i ngoikore ranei ki te haere ki a te Karaiti, e kore ia e whakahe mai ki te tangata e hiahia ana kia ora, a e haere atu ana ki a ia i runga i te whakaaro ki tona pono ki tona kaha, ki tona aroha noa; e tika ana i runga i te huarahi i whakatakotoria e ia- Eke tonu ki runga ki tenei ta tona Matua i pai ai ; ko te mea hoki ia i haere mai ai te Tamaiti i runga i te rangi. Ko tana i pai ai koia tenei, ara, kia kaua e whakakahoretia tetahi 0 te hunga i homai ki tana Tamaiti.
Ahakoa i te mate, ahakoa i te ora, kia whakaarahia katoatia ake ratou ki te haringa mutunga kore i te ra whakamutunga. Ehara i te mea ko te .whakaora anake to Ihu mo te hunga katoa e whakapono ana ki a ia, e whakakahoretia ana ano e ia te he o te hara, te kaha— poke me te utu o te hara ; a amua ka kore noa iho i a ia te hara me nga hua o te hara, ina ka horomia te mate e te wikitoria, a ngaro noa iho te pouri i te hari, ake ake ake. Kei te whakaroa ranei koe, e ie Tangata haka ? E ruarua ana ranei to ngakau ki tenei kupu nui. Ko te ra tend no te whakaoranga ; ko te wa ano tenei e ora ai koe, e murua ai o he maha, e whakaorangia ai to wairua, a ake ake ake. Hiahia tonu a te Karaiti ki te whakaora i a koe. Tena, tukua atu ia ki roto ki to ngakau, a mana koe e kawe kite rangi. Taku e hiahia nei kia whiwhi ano etahi atu ki nga pai i kitea e ahau i roto i enei kupu.
E hara i te mea ma Nga Mahi, engari ma Te Whakapono ka Ora ai. Me Aha ka ora ai Aha a ? Me Whakapono kite Ariki ki a Ihu Karaiti. Nga Mahi xvi. 80, 81. Nga tangata katoa e whakapono ana ki a Ihu, ka whakatikaia i nga mea katoa, e kore nei e whakatikaia i runga i te Ture, Roma hi. 20—22. Marie rawa te ngakau mamae, koa rawa i enei kupu ! Kei te takoto pea ia, he ngaunga na te mate, whakarnhi rawa te tinana, pouri rawa te ngakau. Kahore he kaha e puta ai te tahi Mahi Pai, e tata ai ki te kingitanga o te rangi ; he rawakore ano pea ki nga taonga o tenei ao ; kahore , ana • mea hei atawhai i tetahi atu e mate ana. Na ki te mea ko nga mahi nga mea e fata ai ki te rangi tera e ngaro katoa nga tangata ake ake ake. Tera ke ia te whakaaro a to tatou Ariki aroha. Kihai ia i mea mai ki tetahi mahi a te tinana hei utu e taea ai te rangi. Heoi ano tana i whakatakoto ai, he Whakapono ki tana Tamaiti aroha. Kite u to tatou whakapono,—ka aroha tatou ; —ki te aroha, — ka mahi i tana i ki mai ai. Ko taua mahi nei te tohu pai mo to tatou hiahia kia whakatapua, kia huihuia ki roto ki a te Atua tamariki. He teka ia ma te mahi tatou ka tika ai ki ta te Atua
aro. Heoi ano te mea e tika ai tatou ko te Whakapono ki a Ihu Karaiti ; kahore he mahinga i ta te Ture ; kahore he pai o tatou ake., Rom. iii. 20—28. Tena korerotia katoatia aua rarangi; korerotia kia koa ai to ngakau. Tenei te whakamarie mo to ngakau, e te tangata hara, —e mutu ai tou pouri, e kore ai to wehi. Kahore he pakeke o tate Atua ; heoi tana' e mea nei i a koe, —kia u te whakaaro, .(ara, kia whakapono,) ki tana kupu e -ki nei, ka ora tonu te tangata e whakapono ana ki tana Tamaiti. Hoani vi. 47. Me i taea ka hoatu pea o taonga katoa i te ao nei kia ora ai koe ki tera ao. Kahore ana tono kite tahi mea kia homai e koe : tana kupu hold tenei, kia inumia te wai ora, kaua he moni, kaua he utu. Waiho atu tou ake tika, au ake mahi pai ; ma te tika anake o te Karaiti koe ka ora ai. Nui atu te aroha noa i takoto ai he rongoa mo te mate, ara, mo te hara. Ma tenei nga tangata hara, — hunga kino rawa, —ka ora ai, ma tenei ka rite ai ta te Atua tare. “Ko te Karaiti hoki te mutunga o te ture hei tika mo nga tangata whakapono katoa.” Roma x. 4.
Permanent link to this item
https://paperspast.natlib.govt.nz/periodicals/PIPIWH18981101.2.7
Bibliographic details
Pipiwharauroa, Issue 9, 1 November 1898, Page 5
Word Count
899E KORE TE TAHI E PANGA KI WAHO. Pipiwharauroa, Issue 9, 1 November 1898, Page 5
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in