Tūmahi Rangahau/Aromā tai 2005/2006
I te marama o Whiringa-a-rangi 2005, i waitohua e Te Ropu Tautoko ta matou tumahi rangahau/aromatai e hangai ana ki nga Maherehere Reo. Ko te whainga matua o tenei tumahi ko te tirotiro i te mahi whakawhiwhi tahua a Ma Te Reo mo nga mahi whakapakari mahere reo Maori ahapori nei. Ko nga whainga o tenei rangahau, ko enei:
1. Ki te whakahaere tataritanga hei tirotiro ko wai nga mea whaiwahi ki nga maherehere reo Maori a-hapori e whakawhiwhia ana e Ma Te Reo, me nga mahere kua hangaia.
2. Kia marama ai ki nga ahuatanga o te mahere reo Maori a-hapori kia whai niho ai.
3. Ki te tirotiro ki nga huarahi e pai ake ai te awhina a Ma Te Reo i nga kaiwhakarato ka whakawhiwhia kite tahua i raro i te wahanga maherehere reo, kia taea te hanga mahere reo whai niho.
Ko Nerissa Aramakutu kei te ruruku i te tumahi rangahau/aromatai. Noho aro mai tonu mo nga korero hou ka puta ki tera o nga E-Panui a Ma Te Reo.
He mema koe no tetahi Ropu Reo Maori? Kua whakaaro and koe ki te whakatu i tetahi?
He mea nui ki Te Ropu Tautoko nga tono hou ki a Ma Te Reo mo nga tumahi reo Maori tino auaha nei. Ko tetahi momo tumahi kaore e tino kitea ana, ko nga “Ropu Reo Maori”, ahakoa te kaha o nga whakahoki korero mai kite paetukutuku Korero Maori (www.koreromaori.co.nz ) e tautoko ana, e hiahia ana, kia tu tetahi momo karapu penei me ona ahuatanga katoa . Mehemea he mema koe no tetahi huinga hoa, no tetahi whanau, no tetahi ropu hapori Maori ranei, a, e hiahia ana koe kite whakatu Ropu Reo Maori a-rohe, ana, me tono awhina mai i a Ma Te Reo mo nga kaupapa ka whakahaerehia e te ropu. Tapiri atu, me hono mai koe kite Ropu Reo Maori a-Motu e whakahaerehia ana e Te Taura Whiri i te Reo Maori mena kaore ano koe kia hono atu. Ka taea nga parongo mo te karapu nei me nga tono a-ipurangi te tiki mai i te paetukutuku Korero Maori, www.koreromaori.co.nz
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA20060301.2.9
Bibliographic details
Ngā taipitopito pukapuka
Muka, Volume 18, Issue 3, 1 March 2006, Page 5
Word count
Tapeke kupu
357Tūmahi Rangahau/Aromātai 2005/2006 Muka, Volume 18, Issue 3, 1 March 2006, Page 5
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in