Haerenga ki Barcelona

Muka, Volume 18, Issue 3, 1 March 2006, Page 3

Haerenga ki Barcelona

Nā Te Koingo Tilly Reedy, nō Ngāti Porou

He taone nui tenei, he taone ataahua hoki. I nga ra o mua, toro atu ai he pakitara pohatu i waenganui o te taone, e aukati ana i te tipu o te taone. Na nga pakanga maha tonu i turaki te nuinga o te pakitara nei, a, kua takoto nga huarahi, kua whanui hoki te tipu o te taone o Barcelona. I whakahaeretia nga Kemu Orimipia o te tau 1992 ki konei, a, ko nga hua o tera huihuinga nui o te ao kua puta ki nga tangata o Barcelona. Ara, ko te Rlngi Orimipia, ko te wahi kaukau mete matapuna ote whare rorohiko. Ara, ko nga whare kua riro mai hei nohonga mo te iwi i naianei, ko te onepu na te tangata i hanga, ara nga papatakaro, nga tiriti mete maha o nga wharekai no te ao. Ara hoki nga wharekarakia, nga wharetaonga me nga whare i waihangatia mai

e nga tohunga pera i a Gaudi, i a Domenech, i a Montaner me etahi atu. Ko te Sagrada Familia tera, ko te hohipera a Saint Pau tera, a, ko te Guell Park hoki tera me nga momo whakairo katoa kei te taha o nga ara, kei te ahua huna mai i nga rakau, kei te taha o nga piriti. Hei titiro, hei miharo ma te ao. Ko nga tangata o konei, ko nga Catalan. Ko tetahi tenei o nga iwi motuhake o Paniora. I tutaki a Tamati ki a Professor Javier Mendoza, a, i kai tahi matou ko tana whanau. Ko tona tohungatanga kei roto i te karangatanga matauranga e kua nei, ko te tohu mete tiaki i te ao, ko te ‘sustainability’ kite reo Pakeha. E ai ki ona whakaaro, ko te tino kaupapa kei mua i nga tangata o

Uropi, ko te whakakotahi i a ratou. E puta ai te patai ki a tatou katoa, “Me pehea e taea ai te noho tahi i roto i te ngakau nui, tetahi ki tetahi, mete pupuri tonu ki tou ake tino rangatiratanga? “