NGĀ WHAKAWHIWHINGA TOHU PĀPĀHO MĀORI 2006

Muka, Volume 18, Issue 3, 1 March 2006, Page 1

NGĀ WHAKAWHIWHINGA TOHU PĀPĀHO MĀORI 2006

He kupu mihi tenei na Te Taura Whiri i te Reo Maori ki nga tangata katoa i whai panga ki nga whakahaerenga mo nga Whakawhiwhinga Tohu Papaho Maori i tu ki Turanga i te Rahoroi te 18 o Poutu-te-rangi 2006. “He whakamanawa ki a matou te rongo i te reo Maori e kaha korerohia ana puta noa ite po, mete wahapu hoki o te rere. Mai i nga kaipanui manini rawa atu, a Matai Smith raua ko Stacey Morrison tae noa ki nga kaiurunga whakamiharo, a Julian Wilcox ratou ko Shane Taurima me Kingi

Taurua, i waimarie tahi nei ratou ki nga momo wahanga e rua - he ranga wairua to ratou kohara, me to ratou hiranga kite whakamahi ite reo,” te ki a te Toihau o Te Taura Whiri i te Reo Maori, a Patu Hohepa. “E hiahia ana matou kite whakamihi kite hunga papaho Maori mo to ratou hiranga me to ratou u tonu kia noho ai to tatou taonga a-motu, to tatou reo Maori, hei reo e poipoia ana e te ngutu tangata i nga wa katoa. Na runga i a ratou whakapaunga kaha meta ratou u tonu kite kaupapa, i kaha ake ai nga tangata kite whakamatau ite whakamahia o te reo Maori - kia kaha ake tatou katoa,” te ki a Patu. “E tautoko ana matou i te korero o taua po a te Minita mo nga Take Maori, e whakatenatena ana i te hunga pakeke kite whakahauhau mete tautoko ite hunga papaho hou e piki ake nei. Me whakarite hoki

he punaha e tautoko ana i nga mahi whai hiranga reo Maori i roto i nga mahi whakangungu,” tana ki. E whakamihi ana Te Taura Whiri i te Reo Maori i te Whakaruruhau o nga Reo Irirangi Maori o Aotearoa, Te Runanga o Turanganui-a-Kiwa me Te Runanga o Ngati Porou mo a ratou manaakitanga, i tino pai ai te hui me nga whakahaere katoa. Tata kite 100 nga whakauru mo nga momo wahanga 10, mai i nga mema o te whakaruruhau, nga kaiwhakarato kite kotuitui irirangi Maori, a Whakaata Maori, nga whakaata irirangi riroa, me nga kaiwhakarato mo nga whakaata irirangi. Ka whakawatia nga whakaurunga i runga ano i nga momo ahuatanga pera kite pai ote reo Maori, te pai kite kaiwhakarongo, tona pai hei whakangahau, te urunga mete whai wahitanga o te whakaminenga, te

taha whakarato hangarau, te pai o te hanganga, tona taketaketanga, tona auahatanga, tona ngaiotanga, tona hangai me tona maramatanga.

Anei nga toa:

Momo Wahanga Whakaaturanga o Te Tau - Hakinakina Kaiwhiwhi Julian Wilcox & Te Arahi Maipi Teihana Radio Waatea

Momo Wahanga Whakaaturanga o Te Tau - Pahotanga Taiao Kaiwhiwhi Julian Wilcox & Te Arahi Maipi Teihana Radio Waatea

Momo Wahanga Whakaaturanga o Te Tau - Rangatahi Kaiwhiwhi ' - V • Miss Kihi & Tumamao Harawira Teihana - Tai 92 FM

Momo Wahanga Whakaaturanga o Te Tau - Momo Watea Kaiwhiwhi Joylene Rohe Karauria Teihana Radio Kahungunu

Momo Wahanga Whakaaturanga o Te Tau - Reo Rua Kaiwhiwhi Shane Taurima Teihana Ruia Mai

Momo Wahanga Kaiwhakataki o Te Tau - Reo Rua Kaiwhiwhi Shane Taurima Teihana Ruia Mai

Momo Wahanga Kaiwhakataki Reo Maori - Wahine Kaiwhiwhi Ngarimu Daniels Teihana Whakaata Maori

Momo Wahanga Kaiwhakataki Reo Maori - Tane Kaiwhiwhi Matai Smith Teihana Cinco Cine Film Productions Ltd

Momo Wahanga Whakaaturanga o Te Tau - Reo Maori Kaiwhiwhi Kingi Taurua Teihana Radio Waatea

Momo Wahanga Kaiwhakataki o Te Tau - Reo Maori Kaiwhiwhi Kingi Taurua Teihana Radio Waatea

Momo Wahanga Takoha Nui o Te Tau Kaiwhiwhi Wiremu Pryor Teihana I kowhiria te kaiwhiwhi o tenei tohu e te mana whakahaere o Te Whakaruruhau o Nga Reo Irirangi Maori

E hiahia ana matou kite whakamahara ake mete whakatenatena i nga kaiurunga kite kuhu hoki ki nga whakawhiwhinga Tohu o te Wiki mo te Reo Maori ka tu i tenei tau. E whakanui ana te Wiki mo te Reo Maori i te takoha ka puta i nga tangata me nga whakahaere, e awhina ana i te aroka mo te reo Maori i Aotearoa nei, na runga i a ratou momo mahi whakatairanga, a ratou momo tumahi ranei, i taua wiki, a, huri noa i te tau. I tenei tau, ka tu te Wiki mo te Reo Maori a te Rahina, te 24 o Hongongoi tae noa ki te Ratapu, te 30 o Hongongoi, a, ka tu te po whakawhiwhi tohu ki Tamakimakaurau a te 14 o Mahuru 2006.