He Whakatauākī mō te Raumati
"Take Raumati, whakapiri ngahuru" - E ki ana tenei ka tae ki te wa raumati kua kore katoa nga tangata hei awhina i nga mahi kohi kai, nga mahi whakato kai, nga mahi katoa epa ana kite kai, engari ka tae kite wa ngahuru, te wa hauhake i nga kai - kua putaputa mai te maha o nga tangata. Ka whakamahia tenei mo te tangata kaore i te kaha whakauru i a ia lo nga mahi mo tana whakahaere, mo tana ropu ranei, engari tere tonu tana whai wahi atu ki nga korero whakamihi mo nga whakatutukinga pai me nga hua kua puta.
"Waiho i te ra Raumati" - He amuamu pea tenei mo te makariri
E ki ana hoki kia tiaki mo nga ra pai o te raumati, te wa ka kaha whiti te ra, te wa wera o te tau, a, ka noho mahana te whenua. Ka pai te painaina i te ra.
"Tiketike ngahuru, hakahaka Raumati" - He pai te wa ngahuru, he pakaroa i te wa raumati. E tohu ana mo te pai o te wa ngahuru na te nui ote kai, heoi, ka tae kite wa o te raumati kua pau haere nga kai o te pataka, na reira kaua e tino kaha rawa te pahupahu mo to kaha i nga ra ote ngahuru, tae rawa kite raumati kua itiiti haere nga kai kua wahangu te tangata. He whakatupato - he wa ka puta te maiatanga, he wa ano kia ngakau tapatahi kia kaua iti wa nui.
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA20051201.2.9
Bibliographic details
Ngā taipitopito pukapuka
Muka, Volume 18, Issue 2, 1 December 2005, Page 7
Word count
Tapeke kupu
252He Whakatauākī mō te Raumati Muka, Volume 18, Issue 2, 1 December 2005, Page 7
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in