Ka whakarewaina e Microsoft New Zealand a Microsoft Office, a Windows hoki kei roto i te reo Māori

Muka, Volume 18, Issue 2, 1 December 2005, Page 1

Ka whakarewaina e Microsoft New Zealand a Microsoft Office, a Windows hoki kei roto i te reo Māori

Kirikiriroa, Aotearoa Ratu, 29 o Whiringa-a-rangi 2005 —Ko te hui 2005 World Indigenous Peoples Conference on Education (WIPCE) te atamira tika mo te whakarewaina o nga Pokai Atanga Reo (PAR) mo Microsoft Windows XP me nga taupanga Microsoft Office. He tikiake pumanawa rorohiko utukore nga Pokai Atanga Reo (PAR) e whakarato huarahi ana ki nga kaiwhakamahi rorohiko kite whakarereke i to ratou kape o Windows XP me nga taupanga Microsoft Office Standard (Word, Excel, Power Point me Outlook) hei whakaatu mai i nga ahuatanga whakamahi i roto i te reo Maori. E hupoki ana nga PAR i te nuinga o nga atanga kaiwhakamahi pera ki nga tahua, nga korero, nga karere hapa o nga wahanga o Microsoft Windows me nga taupanga o Office e tino kaha ana te whakamahia. Ka taea e te hapori te tikiake nga PAR utukore mai i konei: www.microsojt.com/nz/maori ma te tono kape kopaepae ranei mai i: 0800 800004 mete utu $15.00. mo te

takai mete pohi. Ka taea nga pokai mo Microsoft Office i te ra nei, a, ka watea a Microsoft Windows mai i te 9 o Hakihea. E ai ki a Ross Peat, Tumu Whakahaere, Microsoft New Zealand, na te hangatanga o nga pumanawa rorohiko Microsoft kite reo Maori kua whai huarahi nga kaiwhakaako reo, kaiwhakaako hangarau hoki kite mahi i roto te marautanga e whakatutuki ana i nga hiahia o te hapori Maori "E ngakau nui ana a Microsoft kia whai wahi nga tangata katoa o Aotearoa kite hangarau. Ko te tumanako ma te whakaurunga o te reo Maori ki 6 matou pumanawa rorohiko hira e poipoia ai te reo Maori, a, e taea ai hoki e nga kaikorero te whakawhitiwhiti korero i to ratou ake reo i te wa e whakamahi hangarau ana." I ki a Haami Piripi, Kaiwhakahaere Matua o Te Taura Whiri i te Reo Maori, he tauira tino manamana o nga hua ka taea ma nga mahi hononga tahi mete rangai tumataiti, tumatanui, kura tuatoru hoki, kite

whakaora i tend taonga aweko penei ki to tatou reo taketake. “He nui rawa nga wa tatou e whakaaro ana he reo tuauri te reo Maori, heoi ma tenei tumahi e puta te reo ki tenei mano tau hou. Ko te mea tino harakoa o tenei tumahi ko te aronga mai a Microsoft ki nga mahi whakaora i te reo Maori. Na tenei kua puta ano he huarahi kia tipu ai te reo, a, kua hapainga e te Whare Wananga o Waikato mete Whare Wananga o Otakou hoki. Ko te kawenga a Te Taura Whiri i te Reo Maori ko te ruruku i nga mahi tahi nei kite whakarite kia puta he hua mo te katoa. Kua whiwhi te Komihana i tetahi wahi hou kua rumakina ai kite reo; kua whakatopu nga whare wananga i 6 ratou matauranga wetereo mete whai huarahi kite whakarato ratonga a-ipurangi rumakina katoa, a, ka mau tonu a Microsoft ki tona hao nui ki te tautoko i nga reo taketake katoa o te ao. E ai and ki a Haami Piripi, 130,000 te whakatau tata o nga pakeke ake i te 15 tau, e korero Maori ana, a, e 326,000 nga tauira kei te kura tonu, kua whakauru ki nga mahi o te rumaki reo, kei te ako ranei i te reo Maori. “Kei te piki nga tatauranga o te hunga e ako ana, e korero ana i te reo Maori. Kua puta he huarahi mo nga kaiwhakamahi i te reo Maori kite kawe atu i a ratou mahi katoa i roto i te reo na runga i te whiwhinga ki nga wahanga reo Maori o Microsoft

Office me Microsoft Windows. Ma tenei e pai ake ratou kite whakatutuki i nga whainga matauranga me a ratou whainga whaiaro i roto i tetahi taiao kare i watea i nga ra ki muri." He hua nga PAR nei no nga mahi tahi i tenei tau i waenganui i a Microsoft New Zealand, Te Taura Whiri ite Reo Maori mete Whare Wananga o Waikato. I waihangatia nga Pokai Atanga Reo Maori i te wahanga tuarua o tetahi Tumahi Microsoft Whakahoa Wetereo a-ao. I hangai te Wahanga Tuatahi ki nga mahi o te Papakupu Hapori Maori. I te marama o Here-turi-koka 2004 i oti tetahi papakupu nui ake i te 2,000 nga korero hangarau, mete whai wahi atu o Te Taura Whiri i te Reo Maori. Kei roto i te papakupu nga korero hangarau epa ana kite atanga whakamahi o nga hangarau Microsoft pera ki a Hyperlink (honongaitua), Markup (tautohua) me Task Pane (pihanga tumahi) katahi ano nei ka puta kite reo Maori. I te marama o Whiringa-a-rangi 2004, i timata te Wahanga Tuarua, i te wa i kopoua ai Te Pua Wananga kite Ao ote Whare Wananga o Waikato hei hoa hangarau kite mahi i te taha o Te Taura Whiri i te Reo Maori me Microsoft kite whakarato i nga PAR Maori. Na Microsoft i hoatu pumanawa rorohiko mama ki te Whare Wananga hei awhina i te hatepe whanaketanga. I puta hoki he takoha awhina i a John Moorefield o te Whare Wananga o Otakou. Nana i hanga te taha pumanawa takikupu.

Anei nga kupu hou hei awhina i a koe Tahua Menu Konae File Whakatika edit Tiro View Kokuhu Hoputu Format Utauta Tools Ripanaga Table Matapihi Window Awhina Help

Hou New Tuwhera Open Tiaki Save Tiaki hei Save as Tapahi Cut Tarua Copy Whakapiri Paste Whakapiri Motuhake Paste Special Timata Start Apatoko Accessories Taupanga Application Kopae Paetata Local Disk Pingore Floppy Drive Paewhiri Mana Control Panel Aku Tuhinga My Documents Arokite Ta Print Preview Pokai Pack Atanga Kaiwhakamahi User Interface Mo te roanga ake o nga korero: • Tina Collison, Communications Manager, Te Taura Whiri i te Reo Maori Imera: tina@tetaurawhiri.govt.nz, Nama Waea: 04 471 0244