JR McKenzie Trust
Mehemea kei te plrangi koe lVJ.ki te panui i nga hua o nga mahi i tutuki i a Te Taura Whiri i te Reo Maori i te tau kua taha ake nei, whakapa mai ki a matou mo tetahi kape o te Puronga a-tau. Tirohia ta matou paelukutuku, ara, www.tetaurawhiri.govt.nz ki te tikiake ite pdf ote purongo ranei.
Iti noa ana, he pito mata. Kei te maumahara koe kite wa e marara ana a Aotearoa nei ki nga toa hokomaha a McKenzie? Na, kia mohio mai te hunga taitamariki... he ahua rite aua toa ra kite Warewhare o enei ra, engari he paku ake, a, no nga tau o mua. Kaore he toa i tua atu mo te hoko perehana Kirihimete! Na John McKenzie aua toa. He Kotimana te tangata ra, a, he tangata tiro whakamua. Ko tetahi o nga mahi a te Mr McKenzie ra, he whakawehe i tana putea kia noho motuhake ai tetahi wahanga ahua nui tonu hei whakahoki atu ki nga tangata o Aotearoa, kite hunga rawakore, haua ranei, ki nga ropu kore whai utu. I ata whakaturia e ia te JR McKenzie Trust hei tiaki, hei tohatoha i taua putea. Ko etahi o nga mema o te Poari ko Pania Ellison, Ngati Tuwharetoa, Te Arawa. me Darryn Russell, Ngai Tahu. Ko Josie Keelan, Ngati Porou, Ngati Awa me Ngai Tuhoe, hoki tera i nga tau o mua. Heoi, he kaupapa hou ka whakaterea e te Trust a te tau hou i
runga i to ratou hiahia kite tautoko i nga tumanako me nga moemoea a te iwi Maori. Ko te ingoa o te kaupapa nei, ko Te Kawai Toro. Ko tona whainga matua he tautoko, he whakapakari i te noho whanau a te Maori. Kei te kimi te Trust i etahi kaupapa Maori, kaupapa whakapakari whanau hei tautoko. Ehara i te mea, ko te whiu moni ki taua kaupapa anake te hiahia. E kao. E whakapono ana te Trust, he maha ake nga hua ka puta ki a ratou, ki nga kaitono hoki i te mahitahi. Mehemea he kaupapa tau hei whakakaha ake, hei whakaora ake i tenei mea, te whanau, tukua to tono ki te Trust. Hei te marama o Hui-tanguru 2006 kati ai nga tono.
Tirohia ake ta ratou paetukutuku www.jrmckenzie.org.nz. Kei reira te roanga atu o nga korero mo Te Kawai Toro me era atu o a ratou kaupapa. Mehemea he patai au, e hiahia ana ranei koe ki etahi atu korero mo Te Kawai Toro, whakapa atu ki: J R McKenzie Trust, Pouaka Poutapeta 10-006, Te Whanganui a Tara, waea (04) 472 8876, waea whakaahua (04) 472 5367, imera: iain@ jrmckenzie.org.nz 17 Poutu-te-rangi Ramere Te Ra Kati ai o Te Kawai Toro (he putea tautoko i nga kaupapa whakapakari whanau) JR McKenzie Trust www.jrmckenzie.org.nz
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA20051201.2.12
Bibliographic details
Ngā taipitopito pukapuka
Muka, Volume 18, Issue 2, 1 December 2005, Page 10
Word count
Tapeke kupu
466JR McKenzie Trust Muka, Volume 18, Issue 2, 1 December 2005, Page 10
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in