Te Kaupapa Konohete Kirihimete a Pūkana!

Muka, Volume 18, Issue 2, 1 December 2005, Page 8

Te Kaupapa Konohete Kirihimete a Pūkana!

nā Mātai Smith nō Rongowhakaata, Ngāi Tāmanuhiri me Ngāti Kahungunu kite Wairoa.

Ite 30 o Whiringa-a-rangi i rumene atu nga tamariki a tipatere mai i nga topito katoa o Te Ika a Maui ki te papa o Tahaki i Maungawhau mo tetahi ra whakangahau hei whakanui i te wa matakuikui o te Kirihimete. No matou te whanau o Pukana te reo karanga kia hui katoa ai nga mokopuna mo ta matou konohete Kirihimete 2005. Koinei te tau tautoru kua whakaritea e matou tenei kaupapa hei whakamiharotanga ma te hunga tamariki. Heoi ano ko nga mahi, he whakakorikori, he kanikani, he waiata hoki i etahi waiata Kirihimete rongonui o te ao, kua whakamaorihia, a, me ki, kua huri

nga kupu Pakeha kite reo Maori. Ko matou o Pukana nga kaiwhakataki, nga kaiwhakaari me nga kaiwaiata hoki. Engari kua tapirihia mai ko etahi whetu o te ao waiata Maori hei taunaki i te kaupapa nei pera i a Ruia Aperahama raua ko Te Reo Takiwa Dunn. Ae marika, he korokoro tui tenei tokorua, kotahi anake te korero, "kei a raua mo te waiata!" Ehara i te mea ko te hunga pakeke anake te hunga itu kite whakangahau i nga mokopuna, i reira hoki te reanga tamariki e waiata ana ki 6 ratou hoa. "Te Arawa e i e ko te whakaariki, ko te whakaariki, tukua mai kia piri, tukua mai kia tata, kia eke mai ki runga kite paepae poto ahau mai Tawhiti"

Ae no matou te maringanui, i tae mai hoki te kapa haka no te Kura Tuwaenga o Mokoia no Te Arawa waka, kite hapai i tenei kaupapa, a, kite mahi i nga mahi a rehia mete haka i nga haka a Tane Rore! He korokoro tui, he manu pirere, ko Theo Va'a tona ingoa no Ngati Kahungunu. Kua rongonui haere tenei tama (13 no a iho te pakeke) mo tana tu pakari i roto i nga konohete Kirihimete matua o te motu, ara, "Coca Cola Christmas in the Park". I te putanga mai o tona reo waiata i taua rangi, kotahi noa iho te whakautu a tipatere, he pakipaki me te umere, ano nei ko ia ke te 'Tauira Aotearoa' ara te NZ Idol mo te tau 2005 nei!

I reira te mahi a te tangata! I reira hoki etahi purapura tuawhiti o te ao Maori me nga tangata rongonui, pera i te Minita Maori mo nga Take Maori, a Parekura Horomia. Koinei te tau tuarua kua tae mai a Parekura ki tenei momo hui, heoi ki taku i kite ai, tera pea he kaupapa pai tenei mona na te mea ka whakatahatia ki rahaki ana mahi torangapu, a, kua noho a ia hei manuhiri, kia taea e ia te waiata, te tihohehohe mete paku whakanga. I tona taha ko Haami Piripi no te Taura Whiri i te Reo Maori raua ko John Bishara, te kaihautu o Te Mangai Paho i takohatia e ratou ko Parekura etahi pahikara hei hoatu ki nga tamariki i taua rangi! Ka mau to koutou wehi e hika ma, kei runga noa atu ta koutou haere mai! Engari ko te tino manuhiri i tae mai i taua rangi, ma runga motopaika

‘chopper’ tino parahutihuti ana te haere, ko wai atu hoki? Ae ko Hana Koko. (Ko Piripi Taylor no te hotaka ‘Korero Mai’) Ka ohorere, ka kotore whererei etahi o nga tamariki i te tuatahi, engari na wai ra, na wai ra, kua tau ratou a, kua noho ratou mete tuku mihi, tuku inoi hoki ki a ia mo nga perehana pai ka tukuna ki a ratou a te ra o te Kirihimete. I waiata tahi a Hana Koko ratou ko nga kuia morehu o Pukana a Bubu raua ko Juju. Aue, ka aroha ki a Nana Bubu i a ia e waiata ana, na te mea ka taka iho ona niho more kite papa, aue taukuri e! He kaupapa ataahua, he kaupapa harikoa, tapiri atu ki tenei he rangi pai huarere, ae i taua rangi “i tu te haka a Tane Rore!” Nei ra a haumihi te rere arorangi atu ki a koutou katoa i haere mai

kite tautoko ita matou konohete Kirihimete, mei kore ake koutou, kua kore hoki te kaupapa e tu rangatira ai. Hei te 23 o Hakihea ka puta tenei kaupapa kite marea ki runga i a Whakaata Maori, a te rima karaka i te ahiahi. Ka whakapaohotia anotia e te Teihana Tuatoru tenei kaupapa i te ata o te ra Kirihimete a te tekau karaka i taua ata. Na reira tamariki ma, kotahi anake te mahi ma koutou hei te ata o te Kirihimete! Whai muri ake i te tihorenga o a koutou perehana, kotahi atu koutou kite pouaka whakaata ki reira matakitaki ake ai i nga waiata kirihimete me nga mahi whakamatakuikui na matou te whanau 0... TAH1...RUA....T0RU...WHA.... PUKANA!