'Hui Tuakana' nā te Kōmiti Whakahaere o te Hui Tuakana.

Muka, Volume 18, Issue 1, 1 September 2005, Page 9

'Hui Tuakana' nā te Kō miti Whakahaere o te Hui Tuakana.

(Ko Tama Potaka, no Ngati Hauiti, Nga Ruahine me Ngati Raukawa te ringa tuhi)

Ite 19-20 Akuhata i whakamaunutia tetahi whakaaro ki roto o te ao Maori. Tona tauranga, ko Ngati Whatua ki Orakei. Ona kaihoe, he rangatakapu Maori, no wiwi no wawa. Tona kaupapa, he Ahunga Whakamua, ara, “Futures Planning”. Tona haerenga, i te ao i te po, e kore e taea te whakatupato. Ko Flui Tuakana tenei e karanga ana kite ao whanui, “E tu te huru pango, kia manawatina te mauri". He tokopae nga maramara o nga waka maha o nga motu nei i tatu atu kite maioha a te hau kainga - ko Ngaoho, ratou ko Te Taou, ko Te Uringutu. Rere atu te karanga i a Tumutumuwhenua, kake atu te manuhiri ki runga kite marae o Orakei. Rima rau ma ono nga po i mua mai, rua rangi i muri nei, te rautangata i whakarongo, i titiro, i korero. Tutu te puehu i a Takuta Mason Durie ratou ko nga kaikorero katoa, ara, ko Tawera Nikau, ko Bentham Ohia, ko Kingi Gilbert, ko Moana Maniapoto, ko Taria Tahana, ko Tim Worrall, ko Linda Smith ko Oscar Nathan. Na te ropu Project Takitini te kaupapa i rere nei. He whakaminenga

tangata tenei, he huinga rangatakapu, e titiro whakamua ana kia hapai i a taua, i a tatou. Na te ope ra i whakato te kakano i tera tau kia tu tetahi hui rahi mo nga tangata kua puta i te whare wananga, i te kura tuarua ranei, a, e kaingakau ana ki nga take Maori. He rahi nga hui Maori pera i te Hui Taumata, mete Young Maori Leaders’ Conference, kua hapai i enei momo kaupapa. Nawai ra, i kitea e Project Takitini, kua tae kite wa ki te whakahaere hui i runga ano i te kaha mete werawera o ngai matou o te whakatipuranga rangatakapu nei, ka riro ano ma te hunga tuakana nga kaupapa e whiriwhiri, nga take hei whainga ma te hunga remu rere nei. Atu i ena whakaaro, e rangona ana e te ao whanui nga pukenga me nga mahi a ngai tatou nga mangumangu taipo o enei ra. He momo, he momo.

Heoi, i puta tenei kaupapa kia whakaihi, kia whakawehi i te mana i roto i tena, i tena o tatou ma te: • Whakawhitiwhiti whakaaro, whakawhitiwhiti korero; • Runanga, wananga hoki mete • Whai whakaaro, rangatiratanga

E wha nga kaupapa whaiti mo Hui Tuakana:

• He Whakatipu Rangatira; • He Whakatipu Ohanga; • He Tu Tangata Whenua ki Te Ao Whanui; • Whatumanawa -He Tau Rangimarie mb te Oranga Tangata.

Kei raro ko te whainga matua, ko te oranga, te hohonutanga mete whairawatanga o nga Maori, tangata mai, whanau mai, runanga mai, iwi mai. Ko nga whakaputanga, he ataahua. Tuatahi, ko te whanaungatanga i waenga i te hunga i tae atu kite hui. Ahakoa Te Arawa mai, Nga Puhi mai, aha mai, kei te kitea nga piringa whakapapa me nga piringa take e whakawhirinaki i nga iwi o te ao Maori. I riro and ma tenei hui e whakakaha enei hononga i waenga i a taua. Tuarua, i whakaea te whaiwawata o te ropu whakahaere kite whakawhitiwhiti whakaaro, whakawhitiwhiti korero; kite runanga, wananga hoki nga kaupapa; mete whai whakaaro, rangatiratanga. Tuatoru, i kokiri nga korero ki nga patai me nga whakautu, kauaka ko nga raruraru noa iho. Ahakoa he aha, i korerotia nga korero hei wananga ma nga rangi ka heke. Tuawha, i kawea mai nga rourou maha e nga tangata i tae atu ki Hui Tuakana. Katoa nga rerenga korero, i tangohia i nga kete a tena, a tena. Ehara na te tokoiti tenei hui i whakarere, engari, na te tokotini ma te takitini. E hoa ma, e kore e roa ka kitea tenei kaupapa me ona haerenga kite Purongo mete DVD whakarapopoto a te Hui Tuakana. Ka whakaputahia enei rauemi kite ao marama a tona wa.

He mihi tenei ki Te Taura Whiri me nga kaitautoko katoa i to koutou tautoko i tenei kaupapa, mete whanau o Ngati Whatua ki Orakei, kua kina ko tia, a, moe ana matou i te manaakitanga! Na te Komiti Whakahaere o Hui Tuakana.