"Te Whakarewatanga o te Paetukutuku Kō rero Mā ori"
nā Juanita Teepa no Ngai Tūhoe me Nga Puhi.
Ko Korero Maori te ingoa o tetahi hotaka parongo hou e whakahaerehia ana e Te Taura Whiri i te Reo Maori. I ahu mai tenei i te kirimana i waenga i Te Puni Kokiri me Te Taura Whiri hei whakatairanga i te whakamahinga o te reo Maori, hei whakapiki mohio hoki kite reo Maori i Aotearoa. Me ki, ko Te Taura Whiri i te Reo Maori te mangai whakaputa i te hotaka nei. Ko tetahi o nga kaupapa i whiriwhirihia, ko te hanga i tetahi paetukutuku tauwhiti. I ahu mai te whakaaro nei i te mohio kei te rahi haere nga kaiwhakamahi ipurangi, a, mete mohio ano hoki, ka taea e te paetukutuku tauwhiti te whakaputa rauemi hei whakaako i te reo Maori ki te ao whanui. Ka noho te paetukutuku tauwhiti nei, ara, ko Korero Maori ano tona ingoa, hei papakainga, hei tautoko i te hunga e hiahia ana kite korero Maori, kite ako ranei i ona ahuatanga maha katoa. Ma te hunga akoako, ma te hunga korero, ma nga pakihi, ma te hunga ihu roa ano hoki tenei hotaka. I tenei wa kei te hanga tauira ataringa, tauira a-kanohi nga kaimahi
o te paetukutuku nei, ara, ko nga rarangi korero, ko nga rarangi kupu, ko te whakahua tika i te reo Maori, me era momo ahuatanga katoa e taea te ako te reo Maori kite hunga e hiahiatia ana. Kua whakaritea te whakatu i tetahi wharangi wananga, ki reira korero ai, tautohetohe ai, whakawhiti whakaaro ai i runga i nga kaupapa, i runga i nga ahuatanga e pa ana kite ao Maori, kite reo Maori hoki. He wahi ano hei whakaharatau i to reo Maori kua akohia nei e koe mai i tenei paetukutuku, mai i etahi atu wahi ako i te reo Maori ranei. I whakarewahia tenei paetukutuku tauwhiti e te Minita Mo Nga Take Maori, raua ko te Kaiwhakarite Tumahi, ara, a Lana SimmonsDonaldson, i te po whakanui i nga mahi mo Te Wiki o te Reo Maori i Te Whanganui-a-T ara. Ko te tumanako o Te Taura Whiri i te Reo Maori kia u tenei kaupapa ki to matou putanga matua, ara, “Kia orate reo Maori hei reo matua, hei reo korero mo Aotearoa”, a, hei whakatutuki, hei tiaki hoki i a matou matapono, ara:
Rangatiratanga He awhi ite iwi Maori kite whakau i te reo Maori kia puawai
Hiranga He whakau mete whakapiki tonu ite hiranga mete tohungatanga ote reo Maori
Wairua Auaha Ma te whanui o te korerotia o te reo Maori, ka puawai nga ahuatanga o te ao hou
Manaakitanga Whaia kia ngakaunui mai te motu ki te reo rangatira
Whakapumautanga Poipoia kia pumau te reo tuku iho
Nga Rohe Reo Kia maha ake nga wahi e korerotia ana te reo Maori
No reira e te iwi Maori, kia kaha, kia maia, kia manawanui, a, tena, Korero Maori.
Me tiro atu kite paetukutuku nei, ki www.koreromaori.co.nz
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA20050901.2.5
Bibliographic details
Ngā taipitopito pukapuka
Muka, Volume 18, Issue 1, 1 September 2005, Page 3
Word count
Tapeke kupu
502"Te Whakarewatanga o te Paetukutuku Kōrero Māori" Muka, Volume 18, Issue 1, 1 September 2005, Page 3
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in