Michael Campbell

Muka, Volume 17, Issue 3, 1 June 2005, Page 1

Michael Campbell

nā Te Wharehuia Milroy, nō Ngāi Tūhoe

Taranaki maunga kua roa nei koe etu mokemoke atu ana kite ao, kati to mokemoke. Kua ara mai to uri a Michael Campbell kite tu ito taha hei matakitaki mai ma te ao i a korua. I moemoeatia e te uri nei kia eke ia ki tou ikeiketanga, kua rite tera i a ia. I whanau mai te pakoko tawhito nei i te rohe o Hawera ki Taranaki, mahue ana i a ia tana marae a Taiporohenui, ka noho i a ia e pakeke haere ake ana, kite Whanganui a Tara. Ka mau ana ringa kite rakau ate Pakeha ara, ki te rakau korowha hei tikitiki mo tana mahunga, e ai ki ona moemoea, ki

ona wawata. Na wai na wai, ka kitea te toanga ote maia nei kite momo whakataetae nei ka uru ki nga ropu taumata runaruna o Aotearoa hei tauwhainga atu kite ao. 1992: Ka toa ia i te whakataetae runaruna o Ahitereiria. I taua tau ko ia ano tetahi o te ropu i haere ki Kanata, ka riro mai i a ratau te Eisenhower Trophy, te tohu mb te ropu toa o te ao. No te 1993 ka tomo atu ia kite reanga o nga tohunga e utua ana kite mahi i tenei mahi te whakataetae korowha.

E whai ake nei nga toanga o te tautohito nei:

• 1993: Canon Challenge Ahitereiria. • 1994: Memorial Olivier Barass, Bank Austria Open, Audi Quatro Trophy i Uropa • 1995: Alfred Dunhill Masters, Mareia • 1999: Johnnie Walker Classic, Taiwana • 2000: NZ Open Paraparaumu, Heineken Classic Ahitereiria, Ericsson Masters Ahitereiria, German Masters Cologne • 2001: Heineken Classic Ahitereiria • 2002: European Open Airani • 2003: Irish Open Airani • 2005: U.S. Open Amerika.

No te tau 1995 i tino kite ai te ao i te tohungatanga o Michael ki tenei momo ngakinga ana. I tata ia kite taumata o te British Open engari no nga kohao whakamutunga ka hinga ia kia noho tuatoru i te mutunga o taua mahi. I miharo te ao ki tona ahei kite patu i te paoro i taua wa mete aha, he nui nga korero i puta mona i taua wa tera ia ka rite ki nga tino tohunga o tenei whakataetae i taua wa. No muri mai ka timata te titakataka o ana mahi korowha, ka mea kua piki te kaha, ka mea kua kaha te heke. He nui ake te ngoikore o ana mahi tena i te pai i te toa ranei. Ka pa mai ki a ia te tamate haere o tona mauri, te kaha wairua kore o roto i a ia, tata ka

whakarerea e ia tenei ngangahau ana. Heoi, i roto i a ia te wairua toa o ana matua tlpuna e okioki noa ana, katahi ka oho ake te wairua tipuna nei, ka ngana a Michael kite whakatikatika i ana whakaaro i runga i te aki a nga tipuna nei. Ehara, no tenei tau ka timata te whakaputa haere o te ihu o Michael i nga whakataetae korowha. Ahakoa e wha rawa nga wa ona e whakamatau ana i te U.S. Open, kaore rawa i katata atu ki nga tohunga mete aha taka wawe mai ana i te rarangi i whiriwhiria kia uru atu ki nga tauwhainga whakamutunga o ia tau i uru ai ia. Na ana whakataetae pai ka whakaaehia ia kia uru ki to tenei tau Open. Kaore he whakahuahua i a ia i nga rauna tahi kite toru ahakoa ko ia tetahi i te taha o nga tino tohunga tonu e haere ana i mua. No te taenga ki nga kohao tekau ma tahi ahu atu, katahi ano ka whakahuahua i te ingoa o te Maori nei. Kai muri tonu te toihau ra a Tiger Woods e whai ana, he aha te aha! I kite katoa te ao i te mana o te Maori nei i te otinga o ana mahi tohunga. Ae Michael, ko koe tena ko o iwi o roto o Taranaki ena, ko te iwi Maori hoki tenei ka tu whakaiti whakahihi ano hoki mou kua whakaata ite mana mete matanga o tenei hanga ote Maori kite ao. Ko te U.S. Open te tihi mete tino o nga whakataetae korowha katoa o te ao. I whakamatauria koe e nga momo whakawai katoa o tena tauwhainga, mai i te papa, ki 6 hoariri, ki nga kaimatakitaki, ko te whakangau tonu tena i a koe kite paepae hamuti. I tohipa katoa koe i a ratau whakamatau, ka pai! Ka nui nga hua ka taka mai ki tenei whakataetae i Aotearoa nei. Mai i nga tamariki nohinohi tae atu ki a koro ma, ki a kui ma ahakoa ko wai, ka aro nui i a koe na tou kororiatanga. Mai i nga kaporeihana kaipakihi ki nga mahi katoa o ia momo o ia momo, ka puta he ora nau, na te maki Maori o Aotearoa nei i whakatu. Kua kata te po i a koe kua mene te ao i tou honore. Kua whakatuheratia mai ki a koe nga momo tatau katoa, tomokia! Kai mua i a koe nga maunga e teitei ana inanahi, i te wa nei kua hiwi iti noa, whaia kia eketia e koe i roto i te wairua o enei kupu na, ‘ owhiti tuturu whakamaua kia tina, tina! Hui e! Taiki e!