Ko Ngāti Rānana

Muka, Volume 17, Issue 2, 1 April 2005, Page 8

Ko Ngāti Rānana

nā Shane Heremaia, nō Ngāti Tuwharetoa me Ngāti Pikiao

Nui atu i te wha tekau tau te reo o Ngati Ranana e haruru mai ana i nga tai o Ingarangi. No mai ra ano tatou a Maori ma e whakawhiti mai ana i nga moana kia kite i nga mea whakamiharo o konei. I whakaturia tenei ropu i te tau 1961 e 6 tatou kuia, koroua penei i a Rahera Windsor i mate ra i te tau kua pahure ake. I te tuatahi, i huihui noa ratou kite whakawhitiwhiti korero o roto i a ratou reta mai i te kainga. Tae noa mai ki tenei wa, he kapa haka ta Ngati Ranana e mohiotia whanuitia ana i nga whenua o te ao. Heoi ano, ko tana tino kaupapa he awhina i a ngai taua te Maori e noho tawahi nei ki Ranana. Huihui ai matou ia Wenerei i te ono o nga haora i te ahiahi ki Te Whare o Aotearoa i Piccadilly Circus kite ako i nga mahi kapa haka. Apiti atu i tera, ka whai hoki matou i era atu o nga mahi Maori, ara, ko te whakatau manuhiri, te kai tahi mete wananga i nga take e pa ngakau ana ki a matou. Ko to te Maori hiahia no mai ra ano, he tirotiro haere ki whenua

ke. He kaha and te hiahia o nga iwi o enei whenua kia kite i nga mahi a ngai tatou. He tino kaupapa ano ta Ngati Ranana, ko te haere ki wahi ke, hakahaka ai. E hia nga wahi whakamiharo kua takahia e nga waewae o Ngati Ranana. Ia tau, ka tautoko matou i te ra whakanui i a ratou kua hinga i nga pakanga nui o te ao ki Westminster Abbey. I tautoko ano matou i nga Potae Pango i to ratou pakanga ki te tima kirikiti o Ingarangi i te papa takaro o Lords Cricket Ground. No muri mai, i whakawhiti atu a Ngati Ranana ki Horana kite tautoko i tetebi wananga ta moko i Rotterdam. I haka ano hoki matou i te taha o Sean Fitzpatrick hei tautoko i tetehi o ana korero i Edinburgh. E tika ana te korero a to matou heamana, a Bella Takiari “Ahakoa tawhiti atu i te whenua tuturu, ka kitea tonuhia te whanaungatanga, te manaakitanga mete kotahitanga i roto i nga mahi a te whanau o Ngati Ranana’’.