Te Aratuku Whakaata Irirangi Māori

Muka, Volume 16, Issue 3, 1 March 2004, Page 3

Te Aratuku Whakaata Irirangi Māori

Nā Julian Wilcox, Nō Ngāti Tūwharetoa, Ngā Puhi, Te Arawa

“E kainamu ana te whaitaita!” Kua puka katoa te hunga e taunaki nei, otiia, e tauwhiro nei i te Aratuku Whakaata Irirangi Maori. Tera pea, kua kanae tahatu etahi, he pureirei whakamatuatanga noa pea tenei wa ki etahi atu. Ki a au nei, ko te mea nui, kua kitea he hunga whakaroperope i te kaupapa, e morimori ai tenei puiaki a tatou. Heoi, he huroaroa nga whakamahukitanga i a tatou e paha nei kite wa. Kaore e nui ana nga takunetanga e kitea ai enei momo whakaaturanga. Na, i a tatou e punui ana ki tona hautakitanga, me hoki nga mahara kite kahui kahika kua riro, ka tika. Kua roa rawa tatou e totoka ana. I aianei, ko tatou ano te ngahunga atu mo te harakerake. Te taea pea e tatou te wareware ki nga ngarengaretanga mete papatoiake o nga whakamaherehere. Engari, aua atu te maunawenawe mo tetahi raro potehetehe nei. Kua mutu ta tatou komuhu i tenei wa. Kua wheta ake te

wa whakatihi mo te reo Maori mete ao Maori. Whakanuia! Katahi te kaupapa haraki rawa atu! E tumeke ana ahau i te tini o nga pukenga te tihao mai nei. Me taku monoa kite hunga kua whakakaotia mai. Ina, ka tauwhiro atu, ka manaaki mai. Whakatoitoi atu ana, aro nui mai ana. Ara, kua uru kahikatea te tu. Ka mutu, e kore e whakangaueue taku

huatau mo te hihiritanga o

nga kaimahi kite ratonga nei. Kia ki noa ake au i konei, ahakoa porotaika mai, punuku mai, ka eke. Kei noho tatou ka pohehe, kua wawae ake te ara mama ki mua i a matou. Ahakoa te hikaka mete kaika, ka nui tonu ta matou whakatonu i a matou ano. Mete mea nei, e kore pea

te pikauranga nei e taimaha. Engari mo tena! He houanga whawhati ko kei te haere! No reira, ahakoa tatou e kainamu ana kite wa whaitaita mo te Aratuku Irirangi Whakaata Maori, e matautia ana e te iwi, kei tua o tawauwau te tino o nga mahi.

i Morimori - tiaki/whangai Puiaki - taonga Tauwhiri - manaaki Kainamu - kua eke ki te..., kua lata kite.... Whaitaita - pukana Whakaroperope - whangai kia tipu Huroaroa - roa Whakamahukitanga - whakamarama Takunetanga - \va I Punui - tata v? S?

Hautakitanga - timatanga Totoka -,tataiii||||iJ|||i||i|i||i|S Ngahunga atu - tirohanga Harakerake -te lint mete mano Ngarengaretanga - tautohe Papatoiake - uaua Potehetehe - mo te wa poto Komuhu - noho puku Whakatihi - te wa m Haraki - whakaharahara Tihao - karapoti

Whakatoitoi - aro atu Maunawenawe - maharahara Whakangaueue - whakaiti Huatau - whakaaro Hihiritanga - whakakaha Porotaika - raruraru Punuku - piki Whakatonu - whakatupato Houanga - te tau Whawhati - pakaru