Kaiwhakahaere Tūmahi Hou i Mā Te Reo

Muka, Volume 16, Issue 1, 1 September 2003, Page 6

Kaiwhakahaere Tūmahi Hou iM ā Te Reo

No nga uri whakaheke o Maniapoto, Waikato me Ngapuhi a Rewi Nankivell. Ahakoa i whanau mai ia i raro i te maru o te maunga tapu o Taranaki, na tona whanau i Ngati Maniapoto ki Te Kuiti ia i whakatupu i te taha o tona marae, e kiia nei ko Te Tokonganui-a-noho.

Kati, no Ngapuhi tona matua. A, no Ngati Maniapoto me Waikato tona whaea. Ko Rewi te mea potiki o to raua nei whanau.

Na, inaianei tonu e mahi ana a Rewi kite tari o Ma Te Reo. He wahanga tenei tari i raro i Te Taura Whiri i te Reo Maori. Ko ia te Kaiwhakahaere Tumahi mo taua wahanga ra. I mua i tona taenga mai ki Te Taura Whiri i te Reo Maori, ko ia tetehi o nga Kaitiaki Whitiahua i te New Zealand Film Archives.

No muri i tena, ko ia hoki te Kaitakawaenga Maori mo Te Whare Pukapuka o Te Whare Wananga o Waikato. He kaiwhakaako, he kaiarahi a Rewi i reira.

He maha nga tohu kua riro i a Rewi mai i nga momo wananga o te motu. Ko te MMPD (Hons) mai i Te Pua Wananga ki Te Ao i Te Whare Wananga o Waikato tetehi. Ko te DipMIM mai i Te Wananga o Raukawa tetehi ano. Ko ia hoki tetehi o nga akonga i whakawhiwhia ki etehi karahipi mai i te Poari tawhito oTainui (1997-1999). Na, i te tau 2002 ka whiwhi a

Rewi i te Karahipi Rongonui Maori mai i te ropu LIANZA (Library Information Association of New Zealand). Kati, he mema hoki a Rewi o Te Ropu Whakahau (Maori Librarians Association). He maha nga tino painga, nga pumanawa o Rewi. Tuatahi, he mea kaha ia kite panui pukapuka hitori e pa ana ki tona iwi ki a Ngati Maniapoto. Tuarua, he tino whai kaha

hoki ia kite purei kopae puoru ki nga whakaminenga huri noa i te motu. Tuatoru, ka hokihoki a ia ki nga momo hui ki tona marae, horoi rihi ai. Kaore e kore, ka timata a Rewi i tona Tohu Paerangi (PhD) i te tau 2004. He kaupapa motuhake tana e pa ana ki nga ahuatanga me nga whakaritenga o tona marae o Te T okanganui-a-noho.