He Kōtuku Rerenga Tahi

Muka, Volume 15, Issue 3, 1 June 2003, Page 1

He Kōtuku Rerenga Tahi

Nā Brian Morris, Nō Ngāti Kahungunu, Rongowhakaata

Ahakoa nga tikanga a koro ma, a kui ma, ko waenganui po tonu te wa i powhiritia ai etahi manuhiri tuarangi ki Te Whanganui-a-Tara nei, i te marama o Paenga-whawha. I reira e mene ana te hunga matatahi o Ngati Toa me nga hau e wha kite whakatau ite ope manuhiri. He tokorua tohunga puoro tera no Hemeika, ko Sly Dunbar raua ko Robbie Shakespeare me to raua tira. He ahua tekau ma rua te tokomaha, ka mutu he kiri mangu katoa. Ki nga whakatipuranga e tino kaingakau ana ki tera momo puoro i puta mai ra i te whenua o Hemeika, ara, nga waiata reggae, he tino toki nga tokorua nei. Ki etahi kaiwaiata rongonui o te ao, ko raua te mutunga ke mai o te pai mo te ungeri mete manawataki mo tenei momo puoro. Na a raua mahi ano kua rangona e te ao. Me penei noa ake pea te ki, ko raua tonu te tino take kua mau i nga whakatipuranga Maori o Aotearoa nei te ia o era momo waiata.

Engari, me uaua tonu te kite i a Sly raua ko Robbie i waho atu i to raua ake whenua. Me ki ra he tino kokomuka tu tar a a-whare enei tokorua; me rite to raua tae a-tinana mai ki Aotearoa ki to te kotuku rerenga tahi. Na runga i tenei mohiotanga, i whakamaraetia te papa o nga whare o te tauranga wakarererangi hei whakamanuhiri i te hunga nei. Na tera wahine reo roreka, na Toni Huata te reo karanga, na te ropu matatahi tonu te haka powhiri. Ko Hepa Potini o Ngati Toa te kaikorero. Ka mUtu te waiata tautoko, ka tu tetahi o te ope manuhiri kite whakahoki i nga mihi. Ka mutu ana, ka arahina nga tauhou nei ki a Ngai Maori, kia hohou i te rongo, a, ka oti pai nga mahi, manawareka ana! Kaore i ngaro i a matou i reira i taua po te miharo o nga manuhiri ki nga mahi a te Maori, me to ratou marama tonu he iwi tenei e aronui nei kite ha mete wairua tonu ote tangata.