Te Hui Ahurei a Tūhoe 2003

Muka, Volume 15, Issue 3, 1 June 2003, Page 4

Te Hui Ahurei a Tūhoe 2003

Nā Juanita rāua ko Waitangi Teepa

He tohu aroha tenei ki a ratou raa kua wheturangitia, moe mai ra i te moenga roa. E kore koutou e warewaretia. I te wa o te Aranga, i ia rua tau, ka rauika atu a Tuhoe ma kite whakanui i te Hui Ahurei a Tuhoe. Mai i te tau 1970 ko te Hui Ahurei a Tuhoe te tino hui e whakanuia ana e Tuhoe ma. Ko tetahi o nga hua o te Hui Ahurei kia taea ai e Tuhoe ma e noho ana i waho o te Rohe Potae te mohio ko wai ratou. Ko te Hui Ahurei te whakaoranga o te iwi o Tuhoe, to matou reo korero, 6 matou tikanga, 6 matou hitori, me tetahi papa tautohetohe o nga take a-iwi. I tenei tau na te wharuarua o Ruatoki te reo karanga kia whakakao matou ki reira. Ka tu te powhiri ki te marae o Te Rewarewa, ki reira ka whakatau i a matou nga ropu i tae o wahi ke, i mua ote haere kite Tekau Eka, ki reira whakatuwherahia ai te hui. I tae atu te tini mete mano kite matakitaki, kite tirotiro hoki i nga mahi a Rehia, i nga hakinakina, me nga mahi toi a nga pakeke, nga taiohi me nga kohungahunga. I hoki tahi maua i te taha o Tuhoe ki Poneke. Ko matou o Tuhoe ma e noho ana i te taone nui o Te Whanga-nui-a-Tara. Ko tenei, he hokinga ki te kainga kite whakawhanaunga, ki te haka, kite takaro, kite korero, ki te noho tahi i waenga o nga uri, ki

te whakataetae hoki ki nga uri, enei ahuatanga katoa. I tenei tau i riro i a Te Karu o Ruatoki te honore nui. I tuatahi ratou ki nga mahi katoa i te Ahurei. Ko te tuarua i riro i a matou o Tuhoe ki Poneke, ko te tuatoru i riro i a Tawera Ahakoa i enei ra he whakataetae te mahi, ko te tino putake o te

Hui Ahurei ki a matou, nga uri whakaheke o Te Maunga raua ko Hinepukohurangi, he wahi hei tutaki i te whanau, he matemateaone, he kite i nga taonga o hakuikui, o hakorokoro ma, he whakaatu atu ki wa matou whakatipuranga i nga ahuatanga ote ao kohatu mete ao hou, kia kore ai enei e ngaro.