Te Kura Reo i Waimārama 12-17 Kohitātea 2003

Muka, Volume 15, Issue 2, 1 March 2003, Page 5

Te Kura Reo i Waim ā rama 12-17 Kohit ā tea 2003

Nā Beth Dixon Nō Ng ā ti Kahungunu, K ā i Tahu, Tūhoe

Ka titiro aku mata ki Whanga-nui-a-Tara Te maunga tapu i Waimarama e Tika tonu taku rere Mai i Heretaunga whanui Ki nga maunga karangaranga E whakaruru nei i te ahika e Kia pa aku ringa Ki te papawai o Motu-o-Kura He wai pounamu, he wai aio Te waiora o Ngati Kurukuru e Nei te pipi manu e mihi atu nei Ki te kahui manu i te Kura Reo nei Tokomaha tatou e whai ake ana I tenei kaupapa hirahira; and nei te pai! Kua toro mai te ringa kaha o Tawhirimatea Whawhai tonu ana raua ko Tangaroa Ahakoa te makariri, ahakoa te aha Kua hui mai tatou kite kohanga i Waimarama

No nga hau e wha tatou, no nga pito o te motu E karawhiu nei mo te reo rangatira te take Ko Timoti ko wai atu hoki te manu taki e He ihuatamai, he ihumanea ahakoa te aha e!

Whai muri i a ia ko te kahui pouako Hei pouwhirinaki mo tatou katoa Hei huruhuru mo nga waewae o te tino manu O to tatou kohanga reo; kare i tua atu!

Ahakoa te uaua kua tae kite wa Me tuhituhi me whakaraupapa 6u whakaaro Kia whakanikonikohia te korero Ki te kiwaha, kite whakatauki kia kaua e maroke!

Toi whakaari, aroa, me wetahi atu mahi pai Kia kore ai te reo e mimiti, engari kia mura tonu ai Ko te waha o Tane e karanga ana Kia u kite kaupapa, tikarohia te marama!

Katahi nei te ropu whakapau kaha e Ehara i te ngoikore, he manawanui ke Nawai ra, nawai ra, ka marama haere He kura runga noa atu, ae marika! Kei reira!

Ma tatou te waka reo nei e hoe tonu Kia tutuki nga whainga, kia eke Tangaroa Na reira oku rangatira, oku nui, Ngai Maori e Wepua! Karawhiua! Ki te hoe e!

I te ropu tuatahi a Beth Dixon. I tuhia tenei hei moteatea i etahi o ona whakaaro i a ia i te akomanga tuhituhi. E pakari haere nei tona reo, e pakari haere nei. No reira, he mihi noa ake ki tenei hunga ki a Beth ma e hiakai nei kite reo, tena koutou!