He mihi ki a Ruakere Hond:

Muka, Volume 15, Issue 2, 1 March 2003, Page 4

He mihi ki a Ruakere Hond:

Nā Patu Hohepa Nō Te Tai Tokerau

Muia ana te wahi huihuinga e te takimano tohunga, a, rangatira hoki, i te po o te 8 Whiringa-a-rangi 2002.1 te Novotel Tainui tenei i Kirikiriroa. He rangatira hoki te karanga, he whakanui i te taumata matauranga Maori te take. Kei waenganui tonu hoki tenei i te taone o Hamutana, kei te taha tonu o te awa o Waikato. Kahore i marama i te puna i puia ake ai te whakaaro, engari kahore he whakahe. Ko te whakaaro kia kimihia nga tohunga kakama o te ao Maori mo nga wahanga e mauria ana e nga whare wananga. Ko te Whare Wananga o Waikato koia te kaihautu hei tuari i nga mahi, hei mau i te kaupapa. Engari ra, ehara i te karanga noa iho na te whare wananga. He kupu e rere ana i mua; kei muri ke e aru mai ana te wairua. Kei tua hoki o te whare wananga te mana, te ihi mete tapu e karanga mai ana. Tera e rere ana a Waikato awa. He piko he taniwha, he piko, he taniwha tona pepeha. Kei a ia, kei a

ratou ano 6 ratou reo karanga. E karapotitia ana hoki te awa e nga maunga mau korero - ko Kakepuku te kaimau i waenganui, ko Taupiri te pouka o nga rangatira, ko Pirongia te kaitiaki e maiangi mai ana ra hoki i te uru. Kei a ratou me 6 ratou whanau maunga hoki 6 ratou maioha mai. Waikato awa, Waikato whenua, Waikato tangata, Tainui waka - kei te kei ko toku ariki, te mokopuna o te motu e mau nei i nga kupu tuku iho: KoArekahana toku haona kaha Ko Kemureti toku oko horoi Ko Ngaruawahia toku turangawaewae Turangawaewae mote Kingitanga... Ko te karanga i tae mai ki Te Taura Whiri i te Reo Maori. Kahore rawa i tua atu; me whakautu te tono mai, me whakamana te karanga kia tautokona atu te reo rangatira i roto i nga pukenga akonga ka tohia. Ko te tuara kaha o te reo kua huri ke; tiraha mai ana i Taiwhakaaea. Hei tohu mona me ana mahi, me ona wawata, me tona piri

tata kite kahui ariki i whakaarotia ai. Koia i tukuna atu ai te ingoa mo te tohu - Te Tohu Reo Maori mo Miria Simpson. Ehara i a matou te mana kowhiri, te mana tohutohu atu ranei hei a wai te kaimau i te tohu nei, hei a wai nga kaiwhiriwhiri ko wai hei mau i te tohu - ko enei katoa kei raro i te mana o Te Whare Wananga o Waikato. Ka mohio ko wai, ka tatu te ngakau, ka maioha atu mete whakawhetai ki nga hunga i tuku atu ai i Te Tohu Reo Maori mo Miria Simpson ki a Ruakere Hond. Ano nei ra i karangatia atu a Taranaki e Putauaki kia tae a-wairua mai ki a Taupiri. Heoi ra, ka tukua atu a matou mihi ki a koe e Ruakere, te uri o Taranaki, o Ngati Ruanui, o Te Atiawa mete mihi atu hoki ki to turangawaewae ki a Puniho Marae i Okato i poipoia ai koe. Kei 6 maunga titohea, kei nga puna e kore nei e mimiti nga kaimau i a koe. Ka tau mai te ngoikore mete pouri e huri - uia kite maunga. Ka mihi atu matou.