Iritana Tāwhiwhirangi

Muka, Volume 15, Issue 2, 1 March 2003, Page 2

Iritana T ā whiwhirangi

Nā Tīmoti Kāretu Nō Ng ā i Tūhoe

Kore rawa atu e taea tetahi korero te whakaputa mo Te Kohanga Reo mete kore and hoki e whakahua i te ingoa o te wahine nei, o Iritana Tawhiwhirangi, te kaihautu mete kaiurungi o tenei o 6 tatou waka mai i tona uakitanga. Ahakoa pehea te ahua o te moana hei hoenga mo te waka ko ia tena e tu atu ana ki aua ngaru whakahotaetae mai i te neke whakamua, i te whakakukunga ranei ki tona wahi e u ai. Katahi na pea te wahine ka taea te ki he manawa titi, he taiki ngapara, na te mea he u, he pono, he whakapono ano hoki nona kite kaupapa o Te Kohanga Reo. Na tera ahua hoki ona i hau ai nga rongo o tenei kaupapa ki nga topito o te motu, o Te Moana-nui-a-Kiwa, a, i te mutunga iho, ki etahi whenua o te ao e kimi nei me pehea ke rate whakaora ake i 6 ratou ake reo i rite nei ki to tatou te tata ngaro i te mata o te whenua. E whiua ana te mahi a te kupu mona, ara, he amo wheke, he kiripiro, he taikaha, he tuanui engari

he kupu enei e taea ana te whakahangai kite huhua noa iho o te tangata. Ko te ahua ke ona kaore te marea i te mohio, ko tona tino aroha kite tangata, ko tona aro nui kite tangata. I tua atu i tera, ahakoa tona riri kite tangata, puta ana te riri kua mutu te wahi ki tera, korekore ana nei ona paku whakamau kite tangata. Na enei ahuatanga katoa ona i aroha nuitia ai ia e te tangata. Nona ka whakatau kua tae kite wa e aro ai ia ki a ia ano, ka maharahara te ao kohanga reo ko wai ra hoki hei tu mai i tona turanga, hei takahi ranei i ona tapuwae. Ko tona rite ka uaua te kitea engari ko te waimarie, kua whakaae ia kia noho tonu mai i Te Poari Matua na te mea, ko ona mohiotanga kite kaupapa he mea nui ki Te Poari, a, ka taea era te tono atu i te wa ka hiahiatia. Ko aku ake mihi kite wahine nei e kore e taea te whakakakahu kite kupu noa nei, engari ka noho tonu mai kite pae o mahara. Ko tatou katoa e whakapono nei kite ora tonu o to tatou reo, me whakaputa he mihi ki a Iritana, na te mea, me kore ake ia i penei rawa

ai te kaha o tenei whakahaere kua noho nei hei tuapapa mo te reo o a tatou tamariki, mokopuna, i mua i te rironga ma nga kura kauapa me era atu o nga whare whakaakoranga e whakawhanui atu, e whakahohonu atu. Kati, anei ia kua whakata mai i tana i mahi ai hei painga mo Te Kohanga Reo puta noa i te motu. Me ki pea ko tana ohaki mai kite ao Maori, ko te kohanga reo, a, kia waiho noa ake ma etahi o nga kupu o tetahi o nga waiata a Te Kohanga Reo hei whakau i te whakaaro nui ki a ia,

Ko koe te whetu o te rangi Kua tataihia ki taku tinana Noho pai mai e Iri, i roto i enei, i nga ra kua whakaritea nei e koe hei whakatatanga mou. Me penei kau no a ake ‘Nau i whatu te kakahu, he taniko no a taku.’