Die Another Day!

Muka, Volume 15, Issue 2, 1 March 2003, Page 1

Die Another Day!

Nā Waitangi Teepa Nō Ngāi Tūhoe

Ki te patai mai koe ki ahau, he pai te pikitia, "Hemi Pono (James Bond) Die Another Day"! Maku e whakautu, ae! Ehara i te mea, he ranginamu a Pierce Brosnan, a, he wahine purotu ranei a Halle Berry. Ko te take ke, na tena o nga rangatira mahi pikitia, na Lee Tamahori (Ngati Porou) i pai ai ki ahau. He kaitutei a Hemi mo te Kawanatanga o Ingarangi. Ka timata tenei pikitia i Korea kite Raki. I reira ia e tarai ana kite hoko i etahi taimana mo etahi pu mai i te tangata kino, ara ko Zao te ingoa. Ka raru raua tahi, mauheretia ana a Hemi ki roto ite whareherehere o Korea, ko Zao kite whare herehere o Ingarangi. Tekau ma wha marama raua e mauheretia ana. Ka puta mai raua, katahi a Hemi ka mohio na te tangata ke ia i whakatapeha. Ka timata ia kite kimi ite tangata ra, mete kimi ano hoki i nga taimana i ngaro. He rahi nga mahi kei roto i tenei pikitia, he kaha whawhai, he taraiwa motuka ataahua rawa atu, a, he mahimahi hoki. Mena he pai enei mea ki a koe, tena haere kite matakitaki, mei kore koe e kite i te pai o nga mahi a Lee Tamahori, mei kore hoki e kite i nga ahuatanga e pa ana kite hanga pikitia penei i a Hemi Pono. Ka rawe ke te kite atu i a Lee Tamahori kei ko atu o ko mai e mahi ana. No Ngati Porou, a, i tipu ake kite taone o Mana iTe Whanganui-a-Tara. I timata ia ki roto i te ao papaho i a ia e tama tonu ana. Ka whiwhi turanga hei tangata kawe taputapu reo, a, nana i hanga nga panui hokohoko i runga pouaka whakaata penei i a Fernleaf Butter me Toyota (Brucie). Ka haere te wa ka hangaia e ia nga pikitia Once Were Warriors (1995), Mullholland Falls (1996), The Edge (1997), Along Came a Spider (2001) heke noa ki tana mahi a Hemi Pono. Ki ahau, ahakoa kaore he tino kiko o te kaupapa o tenei pikitia, ko te mea pai ke he nui nga mahi hopu i te kanohi o te tangata, nga mahi miharo, nga mahi whawhai me nga pakanga, nga kori me era ahuatanga whakakoa, whakangata i te hiahia o te tangata.