Te Pūrongo ā-tau
Eai kite Purongo a-tau aTe Taura Whiri i te Reo Maori ko te tau kua taha ake nei tetahi tau tino pai rawa atu. E atete ana tenei i nga whakaaro pouri e karapoti ana i te oranga, te kore oranga ranei o te reo Maori.
"Katahi ano tetahi tau tino toiriiri, ngangahau hoki mo Te Taura Whiri i te Reo Maori mai i tona orokohanga," te ki a te Toihau, a Takuta Patu Hohepa raua ko Haami Piripi, te Kaiwhakahaere Matua o Te Taura Whiri i te Reo Maori, i roto i te Purongo a-tau i tapaetia kite aroaro o te Paremata i te mutunga o te tau 2001.
E tipako ana te purongo nei i te whakaaranga o 'Matariki' hei hui whakanui i te Tau Hou mo Te Moananui-a-Kiwa mete whakatunga o tetahi Hui a-tau mo Te Reo hei tino take mo te whakaari whanui i te reo me nga kawenga a Te Taura Whiri i te Reo Maori ki nga tangata o Aotearoa.
Ko te whakatutukitanga nui rawa atu i taea e te Komihana, ko te whakapakari ake i nga mahi e pa ana ki nga hononga ki nga hunga whai panga reo Maori, te iwi Maori, nga kura matauranga, nga ropu o te rangai tumataiti, nga pokapu kawanatanga, me nga manuhiri tuarangi, eai kite purongo.
Kua whakaritea e Te Taura Whiri i te Reo Maori, i te tau kua taha ake nei, kia tu nga rautakinga kaupapa whakahirahira e wha. Ara:
Ki te tautoko i te whakatunga o nga hapori reo Maori; Ki te taki i tetahi ara ruruku mo te maherehere reo; Ki te whakatu Putahi Reo Maori mete kokiri ite whakatunga o tetahi Pou tarawaho Aroturuki Reo Maori.
E ai ki a Haami, "Ka kitea i roto i tenei purongo kua tau ano te noho a te Komihana, whai muri mai i te 12 marama hukeri mai i te wehenga atu o nga kaimahi e rima, me nga kaiwhiri katoa i tua atu i tetahi o ratou i noho mai.
Ka taea e matou te ki kua tau nga turanga ote Poari mete ropu kaimahi i te tau putea 2000-2001."
"Kua neke atu i te aparua nga kaimahi a Te Taura Whiri i te Reo Maori i tenei tau, kia ahei ai te Komihana kite whakatutuki i nga kaupapa wairua auaha i tua atu noa i nga ratonga i hokona e te Kawanatanga.
Kua tautokona hoki matou e nga pokapu ake, pera i Te Papa Tongarewa, Te Tahuhu o te Matauranga, Te Reo Tataki, Te Mangai Paho me Te Puni Kokiri."
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA20021201.2.5
Bibliographic details
Ngā taipitopito pukapuka
Muka, Volume 14, Issue 2, 1 December 2002, Page 2
Word count
Tapeke kupu
430Te Pūrongo ā-tau Muka, Volume 14, Issue 2, 1 December 2002, Page 2
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in