‘Tēnei Tira Hou...’

Muka, Volume 14, Issue 1, 1 September 2002, Page 11

‘Tēnei Tira Hou...’

Nā Kiwa Hammond

I te po whakanui i Te Wiki o Te Reo Maori maha ke nga kaupapa i whakatakotoria ki mua i te aroaro o te iwi hei whakatairanga ake i to tatau reo rangatira. Heoi ano, ara tetahi kaupapa i ngakau nuitia ai e tetahi hunga iti i tae ki reira. Ko te hunga e korerotia nei i tohua e Te Taura Whiri kua eke kite taumata e tika ana mo te mahi whakamaori reo-a-tuhi, a-waha hoki, whakawhiwhia ana ki a ratou tohu. E ai ki Te Taura Whiri, ma te whiwhi i te Tohu Taunga i te Matatau kite Reo Maori e ahei ai te tangata kite whakamaori i nga korero kei roto i te maha noa atu o nga purongo torangapu me nga tuhinga penei. Ka ahei hoki te kaipupuri tohu penei ki te tu hei kaiwhakamaori reo-a-waha i nga koti o te motu. Tokowhitu nga tangata i whakatauria e Te Taura Whiri kua tae ki taua taumata o te reo.

Ahakoa kua tae matau kite paerewa e kiia ai koinei te taumata tika kia whiwhi tohu penei, ka areare tonu aku taringa ki nga tohutohu a te pou o Te Taura Whiri, a Miria Simpson. E ai ki tana, ahakoa te teitei o te tohu ka riro i te tangata, me kaha tonu ia kite whakaharatau kia tino waia ki tenei mahi. A, me tino matatau te kaiwhakamaori ki nga reo e rua, ara, me matua mohio te kaiwhakamaori ki nga whakanikotanga o te kupu me nga whakanakotanga o te korero o te reo Maori mete reo Pakeha - a-tuhi nei, a-waha nei hoki. Ae marika! Kati ra. Tenei matau ko te hunga whiwhi Tohu Taunga i te Matatau ki te Reo Maori e mihi atu nei ki Te Taura Whiri i whai whakaaro ai kite whakahaere hui whakangungu hei whakarite i a matau mo nga whakamatautau.

Otira me whakaaro hoki te tira hou nei kite hunga kua takahi ke i tenei ara, ka tika. Kei te ao wairua etahi - ko te akaaka o te rangi ki a ratau; kei te ao kikokiko nei tonu etahi - ko te akaaka o te whenua ki a tatau. No reira, tenei mau a ko ngakau e mihi atu nei kite iti kite rahi. Tena koutou, tena koutou, tena tatau katoa.