“Kāre he utu mō te kōrero, engari mō te wero o te tao.”

Muka, Volume 14, Issue 1, 1 September 2002, Page 6

“Kāre he utu mō te kōrero, engari mō te wero ote tao.”

Nā Kōtuku Tibble

Rangatahi ma

E ai ki nga korero, ko tenei kaupapa ko te taukumekume, he rite tonu ki te pakanga. Ka naomia atu to taiaha hei patu i te hoariri, ka whakaarahia te arero - wero atu, wero mai! E hika ma, i pera tonu te whiua o te kupu i waenganui i nga ropu taukumekume i nga wiki tata kua hipa. Tutu ana te puehu i te Papa Tongarewa, tu whakapehapeha ana te hunga taiohi mete rangatahi - ki te aha? Ki te whakaputa i 6 ratou whakaaro mo nga take e rua i takoto ai hei tautohe ma ratou. “E tika ana kia man kirituhi a Robbie Williams.” Koinei te kaupapa tuatahi hei whiriwhiri ma nga ropu taiohi. Me ki, ko te taumata tenei o nga wharekura pera i a Rakaumanga, i a Ruamata, i a Ruatoki, me era atu o

nga kura. Hei ta te ropu whakaae, kare he raruraru! Mau ana a Robbie Williams i tana kirituhi hei miharotanga hei tirohanga ma te tini mete mano huri noa ite ao. Na tetahi and i taki te whakapapa mai i a Wiremu Wiremu ki a Robbie, me te aha? Mete ki ake ano kua moe wahine Maori ke ia i runga and i tona mohio kite whanaungatanga. Otira mohio pu ana te Maori ahakoa he aha te momo wero he karo and tona! Ka whakautua enei whakapae e te ropu whakahe. Ka tikina atu nga purakau o mua hei tauira. Ko Mataora raua ko Uetonga era, na raua, ka puta mai tenei taonga te ta moko ki nga matua tupuna. Hei ta Hinurewa Poutu, he poroheahea noa iho, he poka tikanga nga mahi a Robbie Williams. He

tangata puremu, he whakahihi, he taurekareka. E ki ra, mana te moko ka rongonuihia!!

Kare ano te puehu kia tau ka timata te taukumekume tuarua. “Me moe te tane Maori i te wahine Maori.” Tu ake ana a Julian Wilcox o Te Karere, he tauparapara tana hei wahi i nga korero a te ropu whakaae. Katahi ka korero whakapapa mo te whakamoenga o tona kuia ki tona koroua o te Taitokerau. Noho iho ana, kua tu ko Quinton Hita o te hotaka rangatahi “Noku te wa.” Hei tana, waiho ma te ngakau and e whakatau ko wai te wahine tika hei moetahi mana, Pakeha mai, Maori mai! Tu atu, ko Ruiha Ruwhiu o te Wananga o Raukawa, ka takoto i

tana wero ki a “Q” penei na, “Ko to mate e hoa kare ano koe kia eke ki toku taumata!” Mate ana te minenga i te katakata i te parekareka o nga korero. Katahi ka tu mai ko Te Rangihau Gilbert o te pikitia “Te Tangata Whai Rawa o Weneti.” Ko tana wero kite katoa, “E hoa ma he aha te he o te parakitihi”? E hika ma i te mutunga o nga taukumekume, whakaae katoa ana te whakaminenga, pakeke mai, tamariki mai, no te Reo Maori te wikitoria!!! Harakoa ana to matou kuia a Miria Simpson i tona mohio kei te pakari tonu te reo i waenganui i te hunga rangatahi Maori. Kati kua moe nga patu me nga taiaha mo tenei tau, a tera tau ka maranga ake ano te hunga taukumekume.