Uia Ngā Kāinga: He hui mō te reo Māori
Nā Wena Harawira/Tuhoe, Te Arawa
"I te wa o te Matariki, kua horahia nga painga kite whenua. He wa ano tenei hei titiro i nga nekeneke o te ao whanui kite whakaora ake, kite whakatairanga i to tatou reo rangatira."
Koinei nga korero whakataki a te Ahorangi o Te Taura Whiri i te Reo Maori, a Patu Hohepa, i te timatanga o te hui mo te reo Maori i tu ki Te Whanganui-a-Tara i tera marama.
Tata ana kite rima rau nga tangata ka riaki i te kaupapa taiea o taua hui, ara, Uia Nga Kainga, mete titiro ano he aha nga wahanga hei whakaki, i a tatou e aru nei i tetahi huarahi kia akona ai te reo i roto i nga kainga.
"He wahanga ano to te kohanga reo mete kura kaupapa Maori hei whangai i te reo ki a tatou nei tamariki," hei ta Patu. "Atu i tera, me hanga nga momo ahuatanga katoa, kia uru mai ai te rangatahi kite kahui korero Maori."
"Kia marama ratou e hiahia ana kite reo. Kia marama he aha te painga o
te reo mo ratou. Katahi ano ka aro mai kite reo. Mehemea ka aro mai,
ka whakahuri taua aro kite hiahia ki te ako i te reo. A muri ake, ka ako ite reo." Na te kaiwhakawa, na Hohepa Williams nga korero mo te whakarangatira o te reo. "Ka huri koe kite reo Maori, ka taea e koe te aukati nga tikanga porearea, nga pehitanga, i nga tami o te ao Pakeha. Ka taea e koe te whakaAotearoa 6u ake whakaaro, haunga ko Niu Tireni te ingoa kua tapaina ki runga i tenei whenua. Ma te reo, ka hangai tou ake ao Maori ki tou whatumanawa, ki tou hinengaro." Na Hohepa Kereopa o Ngai Tuhoe i kawe ana korero i runga i te kaupapa, 'Ma te manaaki a te hunga tika, ka kake te pa'. "Tena patai koutou ki a koutou ano - kei te tika and te kainga, kei te aha ranei?
"Mena kaore tatou e korero Maori
ana i te kainga, whakapaihia! Kei noho tatou whakapae ahua noa iho te mahi."
Kati, e whai ake nei te korero a Patu hei akiaki i a Ngai Tatou i tenei wa o te Matariki.
"Uia nga kainga! Kia rite nga kaikorero Maori ki nga whetii te tini!.
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA20020701.2.6
Bibliographic details
Ngā taipitopito pukapuka
Muka, Volume 14, Issue 4, 1 July 2002, Page 3
Word count
Tapeke kupu
397Uia Ngā Kāinga: He hui mō te reo Māori Muka, Volume 14, Issue 4, 1 July 2002, Page 3
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in