Te Tāūnga Tohu i te Matatau ki te Reo Māori

Muka, Volume 14, Issue 4, 1 July 2002, Page 7

Te Tāūnga Tohu ite Matatau kite Reo Māori

Nā Rangi Pouwhare

Ko Maungapohatu te maunga, Ko Waikaremoana ngd waikaukau o aku tupuna, Ko Tuhoe te iwi No te marama o Haratua i oti ai te whakangungu, te whakapakari mete whakamatau i nga kaitono e rua tekau mo te Tohu Kaiwhakamaori atuhi, a-waha a Te Taura Whiri i te Reo Maori. Tokoono matou i whakawhiwhia ki a matou tohu i te Hui mo te Reo i tu ki Te Whanganui-a-Tara i te marama o Pipiri.

E toru aku mokopuna. Ko te reo Maori anake to ratou reo.

Na aku mokopuna i whai ai ahau i tenei tohu. Ki oku nei whakaaro mehemea ka tu ahau hei tauira mo ratou me mohio tonu ahau ki nga kupu hou, me whakapakari ahau i ahau ki nga nekeneketanga hou e pa ana kite reo. I au e mahi ana i nga hui whakangungu i ahua whakaaro ano ahau, te uaua o nga mahi. Tena pea kaua noa iho ahau e mahi. Ahakoa i te ahua pohehe oku whakaaro i

mohio tonu ahau mehemea kaore e tutuki i au, me hoki mai ano kite

mahi kia riro ra ano mai tenei tohu

Te mahi uaua ko te mahi whakamatau a-tuhi. Ki a au mehemea kei te whai tetahi i tenei tohu me parakitihi ia i nga wa katoa kite whakamaori, whakapakeha ranei atuhi. Mehemea ka taea tenei te mahi i mua o te noho i te whakamatau ka ahua nga war i nga whakamatau.

Tetahi atu huarahi kite whai kia ahua mama ai te mahi, me ako kite rapu haere i nga kupu hou. Hei awhi i ahau, naku i tuhituhi nga kupu hou i whakaaro au ka puta mai i roto i te whakamatau, ana kaore i moumou

taima kite rapu haere i roto i nga papakupu.

Na te mea kua riro mai i ahau i naianei tenei tohu kua huaki mai etahi atu huarahi moku kite whai, penei i nga mahi whakamaori, whakapakeha i roto i nga tari kawanatanga.

Ki a koutou katoa e whakaaro ana ki te whai i tenei tohu kia kaha tonu te whai. Ma enei mahi ka ora ai to tatou reo, ana ka ora ano ai hoki tatou te iwi Maori.

Kaua e poturi, e maharahara ranei. Mahia nga mahi kia whiwhi ai koe i tenei tohu.