Ngārimu Daniels

Muka, Volume 14, Issue 4, 1 July 2002, Page 6

Ngārimu Daniels

Nā Henare Kingi (Ngāpuhi) Kaumātua o Te Reo Irirangi o Te Upoko o Te Ika

Me mihi ake ahau ki a Ngarimu Daniels, te uri o Ngai Tuhoe, te kaiwhakapaoho mai i nga pitopito korero ia haora o nga ra o te wiki, i runga i tera o nga reo irirangi i roto o Tamaki-makau-rau i a Ruia Mai 1179 AM.

I tau atu ai nga mihi ki a ia na te rongotanga ake i whakawhiwhia ia ki tetahi honore i te po i tukuna ai enei honore ki nga kaiwhakapaoho o nga reo irirangi katoa o te motu.

Ko Ngarimu te Maori tuatahi i eke ki te taumata kia kitea ake i roto i nga whakawa ko wai o nga kaipanui i nga pitopito korero ka whiwhi kite taumata tuatahi. Ko ia tetahi i tohungia. Ko Ruia Mai te reo irirangi i tohungia mo ana nei mahi whakapaoho i roto i te reo Maori. I roto i aku korero ki a ia ka whakpa maua ki tona nei whakatupuranga ake i te wa i a ia e tamariki tonu ana. Kahore ia i rapurapu he aha te

whakautu mana engari hangai tonu, na ona matua. Tera pea na te nui o te

reo i roto i to ratou whare a, mete whakaako i a ia kia mohio kite reo Na, ko nga hua e rongohia ake nei mai i a Ruia Mai.

He wahine nekeneke haere me ona nei matua mo tetahi wa ki Ingarangi. Kahore hoki a ia i matau i taua wa ka uru mai a ia ki roto ki nga mahi whakapaoho nei.

Titiro, whakarongo, tetahi o nga

whakaakoranga a ona matua ki a ia i te wa i a ia e tamariki ana. Ko tetahi o nga moemoea a Ngarimu kia

whakaaro nga poupou korero o nga reo irirangi kia riro ake ano ma ratou e whakatu tetahi po hei whakanui i o tatou reo irirangi Maori, me taku tau toko i tenei whakaaro.

He wahine i haere mai i roto i nga whakaakoranga mai i ona matua, kia humarie a, kia whakaiti. Ma enei kupu ruarua, e hine, e whakaoti ake enei korero mihi atu ki a koe mete teihana Maori o Ruia Mai.

Na reira tena koe, tena koutou, tena tatou katoa.