Te Kura Whakapakari Reo i Waimārama

Muka, Volume 14, Issue 3, 1 March 2002, Page 3

Te Kura Whakapakari Reo i Waimārama

Nā Mate Kaiwai (Ngāti Porou tūturu)

Ko te mea tuatahi tonu ko te whakamoemiti kua wahi and kite Kura Whakapakari Reo i Waimarama. Kei whea mai, arikarika te manaaki, te awhi a te iwi kainga. Rangatira nga mihi nui tonu ki a koutou. Te mahana, te pai o te whiti a te ra.

Ko tana kotahi rau nei nga tauira i tae mai. Ko te nuinga he tama tuatahi ki tenei momo kura, a he ahua mataku, ahua huiki hoki i te whakama.

Ko te mahi tuatahi he whakakorerorero, he whakamahorahora i a ratau. He autaia ka haere te wa ka puta te reo, ahakoa pai tu, pai hinga. He ngahau te whakaako i enei ropu, no te mea kei te ngakau nui kite whaiwhai mai i te reo me ona rerenga.

No reira he nui nga momo patai me nga mahi whakakatakata hoki. No te mea he pai tonu me haere tahi nga mahi whakangahau mete mahi whakaako i te reo.

Otira, tae rawa ake kite mutunga kua whiti te ra, kua kitea nga hua, e ngaringari. Ko tetahi whakaritenga miharo ko te whakahaere a ia ropu i nga karakia i te ata, i te ahiahi. Hei konei ka kitea nga hua, atahi hoki te mea miharo. Ka huri aku korero ki a ketuere ma, ko te hunga tenei kua paka ki nga kura reo mai ra ano. Kei roto i tenei ropu a Ngati Kaukau ma. Mehemea he kaha rawa te wera ka noho mai i te moana penei i te taniwha nei. Ka karanga a uta, na te papaki a te tai kaore e rongohia. Heoi ano a te wa ka hoki mai ki uta pau katoa te haere kite tuhi.

Ahakoa ra he putiputi tonu to ratau rite. No te mea he ropu ngahau, tinihanga ihumanea, koi nga hinengaro mete piripono hoki ki te kaupapa o te reo. No reira, ki nga ropu katoa kia kaha, kia manawanui. Ma ta tatau mahi tahi ka u nga wawata, nga moemoea mo to tatau reo, te reo Maori.

Ki te ropu kaiako, kaore he korero ke atu. Kotahi te whakaaro, kotahi te hoe, kotahi te ngakau aroha, te tautoko, te manaaki hoki i te kaupapa o te whakapakari i te reo.

No reira, ka nui nga mihi me nga whakamoemiti.