Mā Te Reo: He Tuhika Kōrero

Muka, Volume 14, Issue 3, 1 March 2002, Page 2

Mā Te Reo: He Tuhika Kōrero

Nā Hana O’Regan (Kāi Tahu)

No te mutuka o tera tau i tae mai te tono a te Minita Maori kia noho au hei mema mo tetahi poari whakahaere i te putea tekau ma rima miriona tara e kiia nei, ko "Ma Te Reo". Tokowaru matou i Te Ropu Tautoko, a, kua riro i a matou te mahi whakahaere i tenei putea. Ko tona tikaka, ka tohaina te rua miriona tara ia tau, ia tau, kia pau ra

ano te putea

Ma te aha tenei putea? Ma te reo! Ko tona tikaka hai tautoko i ka hapori Maori kite whakahiato, a, kite whakahaere ano hoki i a ratou ake kaupapa whakaora reo. Kai te mohio matou katoa ki ka tumomo tauarai i roto i tenei ao hurihuri mo te huka e whai ana i te reo Maori, a, ko tetahi ko te taha putea.

Ehara i te mea ma tenei tekau ma rima miriona tara era ahuataka katoa e whakakore, e whakatika. Ehara! He timatataka noa iho tenei; heoti ano, he pai ake te iti i te kore. Ko te tumanako ke, ma tenei putea e whai wahi te huka e kakaunui ana kite reo Maori, ki etahi huarahi ma ratou ano e whakarite.

E hia ke nei ka kaupapa ka tautokona e Te Ropu Tautoko. Me hakai tonu ka tono katoa ki ka whaika matua e toru, ara kite whakanui ake i te huka e matau ana kite reo Maori; kite whakapakari ake i te huka e matatau ana kite reo, a, kite whakanui ano hoki i te whaiwahitaka o te huka korero reo Maori kite whakamahi i to tatou reo

Na reira kite u tika ka kaupapa ki enei whaika, kare he tawha o te whakaaro, o te moemoea.

Kua roa tatou e moemoea ana mo ka tumomo kaupapa hei whakaara ake, hei whakaora ake ano i to tatou reo. Na, ko tenei tetahi o ka huanui hei whakatinana i aua moemoea, i aua awhero, kia kaua e noho noa kite ao o whakaaro, a haere ake nei.

Mena he tumanako oku mo te putea nei, kia kitea ra ano te toroka atu ote rikarika o te reo ki ka whanau e noho ana i roto i ka kaika i ka topito katoa o te motu nei. Ma tena to tatou reo e mana ai.

Kua whati te tai, ka pao torea