Hui Ahurei

Muka, Volume 13, Issue 4, 1 July 2001, Page 5

Hui Ahurei

Nā Juanita Teepa

Itu te Hui Ahurei a Tuhoe kite wharua o Ruatoki i nga ra o te Aranga kua pahure. I korero ahau ki taku teina, ki a Waitangi Teepa mo ana whakaaro mo te Ahurei. Anei e whai ake nei:

I pehea nga whakahaere o te Ahurei? Tino pai hoki te whakahaere o te

Ahurei. Ahakoa tomuri haere i etahi wa, a, ahakoa i raruraru te atamira i te heke mai o te ua, tino pai rawa atu

He maha tonu nga tangata i tae atu? Aue! Neke atu i te rima mano nga tangata i tae ake i te Paraire mete Ratapu, engari i te Rahoroi, neke atu i te tekau mano!

I kite tonu koe i te maha o nga tangata. Ki tou whakaaro, ka kaha tonu te haere o nga hui ahurei i nga tau e heke mai nei? Ae marika! Ki oku whakaaro ka kaha tonu, ka pakari tonu ta tatou Hui Ahurei. I kite tonu ahau i te nui o nga tangata i tae atu, mai i nga topito katoa o te motu, a, mai i Ahitereiria hoki. Ki ou whakaaro he aha te tino take ka hokihoki tonu nga tangata kite hui ahurei? Ki oku nei whakaaro, ara ano he

hokinga kite kainga. He hoki ki o ratou turangawaewae, he hoki ano i runga ite aroha mete matemateaone

He aha nga mahi i whakahaerehia? Ko nga mahi kapahaka ma nga taitamariki me nga taipakeke. Ko nga mahi hakinakina a nga pakeke, ara ko te poitarawhiti mete whutupaoro. Ko nga mahi-a-ringa, ara te raranga harakeke, te taniko, te whakairo hoki. Ko nga tautohetohe a nga pakeke, a, i tenei tau i whakahaerehia he tautohetohe ma nga taitamariki, mete hunga taiohi hoki. Ko te ‘Wearable arts’ mete ‘Karaoke’ hoki ma nga tamariki. He pai tonu te kite atu i te maha o nga whakangahau ma nga tamariki. I nga Ahurei kua pahure, kare tonu i whakaritea he mahi whakangahau ma ratou, a, tino pai rawa atu tenei.

Me whakataetae mo nga mahi haka, me haka ranei i runga i te aroha? Ki ahau nei, kei te haka tonu nga ropu mo te aroha, engari i muri mai, ka whiwhi tonu nga ropu kei runga noa atu i nga taonga. Kei te pai tonu enei whakahaere. Na te maha o nga ropu kapahaka i tu i te Ahurei, ki ou whakaaro me whakatu he ropu kotahi mai i te iwi o

Tuhoe (a, ko ratou e tu ki nga whakataetae kapahaka o te motu), me aha ranei? Ki oku whakaaro, kaua i tenei wa, kei

te pai tonu nga ropu i tera takiwa, i tera rohe. Engari, me whakatu tetahi ropu mai i Tuhoe mo nga haere ki tawahi, ki motu ke. Mehemea ka penei, e taea tonu te ki kua haere a Tuhoe kite whakatutu waewae ki wahi ke.

He aha te tino painga o te Hui Ahurei a Tuhoe ki a koe? Ko te tino painga o te Ahurei he rauika i a matou o Tuhoe kite wahi kotahi. He whakawhanaunga, he whakakotahi i a matou, he tutaki ki nga whanau me nga hoa kua neke ki nga pito katoa o te motu, a, he whakanui i to matou Tuhoetanga!

He korero whakamutunga? Ki ahau nei, he tauira te Hui Ahurei a Tuhoe ki nga iwi katoa o te motu. Kia taea ai e ratou te whakanui i to ratou turangawaewae, kia mohio hoki i ahu mai ratou i hea. Ano ra, he whakakotahi, he whakawhanaunga i a ratou.