Te āta wānanga e ahu pēhea ana te Reo
Hei te paunga o tenei marama tu ai tetahi hui ki Poneke, ko etahi o nga kaupapa matua ka ata korerohia, ko te whakatu i tetahi putahi reo Maori, mete hanganga o Te Matapuna - te papakupu Maori tuatahi ko te reo Maori anake te reo e rere ana i ona wharangi.
Ki ta Haami Piripi, te kaiwhakahaere matua o Te Taura Whiri i te Reo Maori, “Kua hipa te rima tau mai i te Hui Taumata mo te Reo Maori, koira te wa whakamutunga i noho ai ko te reo Maori te kaupapa ake o tetahi hui nui tonu.”
E whakahaeretia ana i tenei wa tetahi kaupapa e rangahau ana i te ora o te reo Maori.
Me anga whakamua te titiro kia kitea ai te ara totika e tokomaha ake ai te hunga korero Maori.
Ki ta Patu Hohepa, te Toihau o Te Taura Whiri, “Me tae katoa atu te hunga e whai wahi ana kite reo Maori ki Uia Nga Whetu, Te Hui Reo Maori ka tu ki Te Papa Tongarewa a te 21-22 o Pipiri.
Ko te hunga whakatakoto kaupapahere, mete hunga arahi i te motu ano tera. Ka rangona nga whakaaro o te hunga rangatahi, o nga iwi, o te kawanatanga, me etahi atu.
Ko nga kaikorero, ko te hunga matatau tonu kite reo Maori, mete rere tahi ano o te whakapakehatanga. Hei tana ano, “Kua roa e korerotia ana te wahi nui kite rangatahi”. I runga i tenei, ka wahia te hui ki etahi tautohetohe rangatahi e rua.
Ka haere enei kite reo Maori, e kitea ai te pai o te reo Maori o tenei whakatipuranga.”
Ko nga kaupapa matua ka korerohia, ko te whakatunga o te Putahi Reo Maori ka noho ko ia te taumata mo te ako mete whakaako ite reo. Ka
korerohia ano nga mahi e pa ana ki Te Matapuna, te ao papaho, nga mahi whakapakari ite ao Maori, mete ao matauranga. Ko Lilikala o te Whare Wananga o Hawai’i te manuhiri tuarangi, ko ia te mangai mo Te Moana-nui-a-Kiwa.
Ka riro ma Timoti Karetu, te Toihau o Te Taura Whiri o mua, e wahi nga kauhau. Ko ia tonu te taniwha reo Maori hei whakamaunga atu ma te matinitini, me tana ki taurangi mai kaore ia e huna i ona whakaaro.
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA20010701.2.3
Bibliographic details
Ngā taipitopito pukapuka
Muka, Volume 13, Issue 4, 1 July 2001, Page 1
Word count
Tapeke kupu
390Te āta wānanga e ahu pēhea ana te Reo Muka, Volume 13, Issue 4, 1 July 2001, Page 1
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in