Te Ataarangi ki Kaikohe me Tauwhara Marae - i Te Taitokerau
Na Rahera Shortland
No te marama o Poutu-te-rangi 2001 i whakahaeretia ai nga wananga a Te Ataarangi ki Te Runanga o Kaikohe me Te Marae o Tauwhara. Kotahi wiki ki Kaikohe, kotahi wiki ki Tauwhara Marae.
He kaupapa tenei i hua ake i waenga i Te Ataarangi me Te Taura Whiri i te Reo Maori i nga marama whakamutunga o te tau 2000, kia tu he hui hei whakaako i te hunga kahore e mohio ana kite korero Maori, engari e hiahia ana. I te marama o Kohitatea ka horaina te kaupapa aTe Ataarangi kite ropu na ratou te tono. No muri i te wanangatanga i te kaupapa mete whakamahi i nga rakau, ka puta te whakaaro kite hunga matatau kite korero Maori, kia whakahaerehia he kura kite kaupapa kia taea ai e ratou te whakatutu he kura whakaako i a ratou tamariki, mokopuna, whanaunga hoki i nga marae me nga kainga. Na tenei inoi mai ka whakaritea hei te marama o Poutu-te-rangi tu ai te kura ki Te Runanga o Nga Puhi mo ratou e matatau ana kite korero Maori. Hei te wiki o muri mai, ki
Tauwhara Marae mo te hunga kore reo. O te ropu i tau mai ki Te Runanga o Nga Puhi, tokotoru he kuia kakama, (he kura mahita i mua) he kaituhi pukapuka, he kaikaranga, he kaiako no tetahi kohanga reo, he kaimahi hauora, he kura mahita, he kairangahau. Katoa ratou e ngana ana kia mau te kaupapa kia ahei ai te whakatu ropu ako i te reo. Hei te marama o Haratua te hui tuarua. Ahua toru tekau te hunga kore reo i haere kite wananga i Tauwhara Marae. He taiohi, he tauira o te ropu Rangakura, he kaumatua, he matua kohungahunga, nga tamariki, he wahine pakeke, he kura mahita, he hunga kore mahi, he rangatahi. Katahi ano ratou ka ako i raro i te kaupapa a Te Ataarangi, a, kei te hiakai kite ako. Ko te tumanako a muri o enei wananga, ka tu he kura hapori i raro i nga whakahaere a Te Awanuiarangi ina mutu te wahanga ki Te Taura Whiri. E rua atu nga wananga mo tenei hunga, hei te marama o Haratua tetahi, hei te marama o Pipiri te tuatoru. Mena ka tutuki nga wawata o enei tangata ka tutu nga ropu huri
noa i Te Pewhairangi, i Hokianga me Ngati Whatua. E mihi ana ki nga kaiawhina i tautokohia ai te kaupapa, ki a Ringiringi Manawaiti, ratou ko Maera Pihema, ko Nikora Wharerau mete mokopuna, me Te Waihuia. Kua ruia te kakano, kia u ai te korero ra:
“He kakano i ruia mai i Rangiatea - Kia kore rawa nei koe e ngaro Taku reo rangatira!”
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/MUKA20010301.2.12
Bibliographic details
Ngā taipitopito pukapuka
Muka, Volume 13, Issue 3, 1 March 2001, Page 7
Word count
Tapeke kupu
458Te Ataarangi ki Kaikohe me Tauwhara Marae – i Te Taitokerau Muka, Volume 13, Issue 3, 1 March 2001, Page 7
Using this item
Te whakamahi i tēnei tūemi
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in