Viva Italia!

Muka, Volume 13, Issue 3, 1 March 2001, Page 6

Viva Italia!

Na Toni Waho

Erima nga ra i mua atu i te Kirihimete ka tae mai tetehi imera - mai i Itaria - kite Ohu Whakahaere o Te Kura Kaupapa Maori o Mana Tamariki. Na Te Ropu Kaikarakia Katorika o Bologna, ko Antoniano te ingoa, ratau ko te hongere matua, ko Raiuno mete whakahaere a te Popa, mai i tana kainga, i Te Poho o Hato Petera (Vatican).

I te kimi ratau i etehi ropu tamariki o nga topito katoa o te ao kia haere atu kite whakangahau i whakaaria hei awhina i te Popa kite whakakapi i Te Tau Tapu a te Hahi Katorika, te tau 2000. Ko nga tamariki Maori hei kanohi mo te Moana nui a Kiwa, kia 10 nga tamariki kei raro iho i te 12 nga tau, kia rua nga pouako, ehara i te mea me Katorika anake matau. Apiti atu, ko te whakaaro rangatira, ma ratau ke e pikau nga raruraru o te ropu. Na matau i tapiri atu kia tokowha ano nga tamariki, kia 9-12 tau te pakeke. Tokowhitu nga matua i haere. Waimarie enei tamariki. Te

haerenga atu ka peka matau kite matakitaki i Disneyland. Ko te tikanga he po okioki kia kaua e tae ruha atu ki Itaria! Na te pouaka whakaata i whakapaoho te po whakangahau kite katoa o Uropi! E rima mano nga tangata i roto i te Whare Taperenui o Hato Petera. Hangai tonu a matau mahi kite inoi a te Popa kia tau mai te rangimarie kite ao whanui. I kawea katoa ano hoki i to tatau Reo Maori - ka puta ko te moteatea, ko te poi, ko te tititorea, ko te ti rakau ko te waiata a ringa mete haka. E wha nga tamariki i karangatia mai kia tutaki ki te Popa. Kotahi wiki i Roma. I muri mai ka haere matau ki nga urupa o nga hoia o Te Hokowhitu a Tu i Forli me Faenza. I toro atu ano hoki matau ki etehi Kura e rua. Ko nga tamariki o tetehi, o Strocchi, tiaki ai i te urupa o Faenza. Katahi matau ka haere atu ki te Kura o Cavriaggo, ki Reggio Emelia na te mea i nga tau e rua ka taha ka timata a matau tamariki kite tuhituhi atu ki nga tamariki o tera Kura. I haere ano hoki matau ki Ovrietto,

ki Firenze, ki Verona me Venezia. I kite ai matau i nga mahi whakahirahira a nga tohunga waituhi, a nga tohunga whakairo kohatu me nga whare whakahirahira. Tau rawa atu ki Milano; i reira ka hoki mai kite kainga. Kaha rawa atu a matau tamariki ki te kawe i te reo Maori ki nga wahi katoa, i nga wa katoa. I nga mihimihi ka whakaritea tetehi o matau hei kohimuhimu i a matau korero Maori i roto i te reo Pakeha ki tetehi o ratau hei whakamaori ki to ratau Reo. Ka miharo a matau tamariki kite maha o nga reo o etehi tangata, kite whakawhitiwhiti mai i tetehi Reo ki tetehi ano, a, ki tetehi atu ano. No te 30 o Hakihea i wehe atu ai matau. No te 16 o Kohitatea ka hoki mai. Mai i te timatanga kite mutunga, kore rawa he raruraru i pa. Na reira ka ki au, i whangaia 6 matau whatu, 6 matau hinengaro me 6 matau wairua ki nga ahuatanga miharo e kore e warewaretia. Ki to ratau reo, anei te pepeha -“Viva Italia!!”